最新

Looop-x-on菇男-母親節banner768x90.jpg

【焦點新聞】「包山王」「包山后」出爐 穩健策略是致勝因素

「搶包山」是長洲太平清醮壓軸比賽,「包山王」繼續由郭嘉明蟬聯,「包山后」則由胡穎瑜首次取得。

「包山王」郭嘉明已經成為七屆包山王,比賽中取得最多數量平安包,同時奪得「袋袋平安獎」。他表示勝出屬於意料之外,指自己發揮不錯,認為自己贏在比其他選手較快到達9分包的位置。

「包山后」胡穎瑜首次勝出,她表示心情十分興奮,表示自己採取了穩守突擊的策略,以安全回到地面為主。

原圖:政府新聞網

【羸咗場交】BB車放的士車廂使唔使收費引發罵戰

考考大家,搭的士行李係點收費呢? 最近有位媽媽帶著一部可摺疊至hand-carry size 嘅新款BB車搭的士,司機收取$6行李費,呢位太太網上請教行李費點計,又引發一輪駡戰。

 

 

嗰位太太話,BB車唔係放尾箱同埋好細,所以問司機點解要收費,而司機就話收費係根據法例,「我就打俾我嘅的士司機朋友查問,他說不用收,唔高過140cm根本唔使收。咁請問一下大家,到底佢啱定我錯? 謝謝」。

 

 

其實的士門上黃色嗰張貼紙有寫,「每件擺放在車廂內而長、闊、高總和超過140厘米的行」司機可收取行李附加費,另外「嬰兒車亦需按照上述準則繳付行李附加費」。而根據媽媽提供嘅資料,佢BB部車,摺起後長闊高總和的確不超出140cm,咁又真係唔使收費喎。

 

 

「家陣唔少bb車都可以摺到好細,規矩係跟行李咁度size黎決定駛唔駛比,而唔係bb車就一定要比」,「執正黎講6蚊師奶贏硬」,「摺埋張闊高加埋唔過140真係唔收得」唉,為咗咁而又大嗌一餐,網友都慨嘆「呢六銀嘢,對於兩位當事人都重如泰山…」

 

 

【藝術嘅嘢…】瑞士藝術家作品香港參展慘被當垃圾

早排海港城舉辦於馬哥孛羅香港酒店舉辦Harbour Art Fair 2018,將酒店房變身做art gallery,不過其中一位瑞士藝術家Carol May嘅藝術裝置就因為太像真而慘被當垃圾掉咗。

 

個作品名叫「唔開心樂園餐」Unhappy Meal,個樣做到開心樂園餐個盒咁,希望大家反思快餐文化,但據講因為太過像真而被酒店清潔工當垃圾咗。雖然好快搵返,但就已經嚴重損毀。

 

Carol May不時都以生活嘅物品為靈感,做少少改變,希望引起對生活嘅反思。今次呢件Unhappy meal作品係特別為Harbour Art Fair而造,價值350瑞士法郎(約港幣2萬7千幾)。

 

圖片: Hyperallergic

【你呃我唔到嘅】日藝術家晒濕身少女圖:油畫嚟架!

身為一個藝術家,有咩傷心得過無人知自己做緊咩?日本藝術家三重野慶喺自己嘅Twitter上載咗4張少女相,有濕身女、正面大笑女、側面微笑女同背心女,不過網民平時已經睇盡天下美女,呢4張相又點會引起網民注意?三重後來再發文話:「雖然係油畫,但因為被人當作是照片而被忽略…我已經好努力啦!」直到呢一刻大家先驚覺呢4張相原來都係三重畫嘅油畫,但係啲水光、表情同髮絲明明同相片無分別啊!!!係小編有眼不識泰山,大師請受小人一拜!

原圖:Twitter@mienokei
 

【夏天必備】芭蕉扇2018推出全新掛腰款

夏天殺到,酷熱警告嚟嘞!無論係去長洲睇搶包山、去行街、行山,唔想大汗疊細汗,一把芭蕉扇幫到你!共田今年出咗加大版芭蕉扇,仲有掛腰式風扇,連拎都唔使拎,直接吹啲風入去都咪話唔爽!不過夾個風扇吹入去身呢個動作好大叔,另外若果啲臭汗味吹哂出嚟咁就好可怕嘞….

 

共田芭蕉扇由2015年hit到而家,擁有唔少fans,無他嘅,風力夠、性價比高。你屋企又有幾多把呢?

【過馬路,要小心】地面紅綠燈防低頭族

而家低頭族真係越來越多,佢地有時仲係篤住手機,望都唔望就過馬路,真係險象環生。嗱!意外就係咁發生啦!

對於啲低頭族韓國政府就真係保你大嘞,推出咗「地面紅綠燈」加強安全,而家係首爾人流比較多嘅地方實施,例如:世宗路十字馬路路口、市廳站(市政府)交叉路口。「地面紅綠燈」同紅綠燈一樣,係最後幾秒,會眨下眨下,提醒大家要盡快過馬路。希望低頭族就篤住手機,眼尾都會望到紅綠燈啦!

不過咁,就算有「地面紅綠燈」都唔好掛住篤手機啊!「馬路如虎口」,大家真係要望清望楚先好過啊!

圖片:Handeul Yum YouTube截圖

【男神封盤了?】傳俄國「月野兔」羽生結弦發展地下情

心碎!日本八卦雜誌近日爆料話,曾以「月野兔」造型參加比賽嘅俄羅斯花樣滑冰女子運動員梅德韋傑娃(Evgenia Medvedeva)同以「陰陽師」造型係平昌冬奧衞冕金牌嘅日本羽生結弦已暗地裏發展戀情。

日本傳媒話梅德韋傑娃非常迷戀羽生。舊年羽生生日,梅德韋傑娃更為羽生精心準備咗份禮物,仲係社交網站分享兩人嘅合照。今個月,梅德韋傑娃宣佈結束與教練Eteri Tutberidze 長達11年嘅合作關係,改投加拿大藉教練奧利沙門下,正式成為羽生嘅師妹。日本傳媒爆料話,佢哋兩個而家同住係加拿大多倫多,係朝夕相處下,已經開始發展地下情。

消息傳出,唔少日本女網民話「心碎了!」,不過都有網民話佢地兩個好襯,更希望傳媒畀空間佢地發展。

圖片:視覺中國、FB @Evgenia Medvedeva

【焦點新聞】中美就貿易問題達成共識 邱騰華稱對港有利

週六中美就貿易問題達成共識並發表聯合聲明,在本港,商務及經濟發展局局長邱騰華接受傳媒訪問時表示,中美以對話和共識消除雙方矛盾對兩國而言是雙贏局面,亦對世貿和多邊貿易制度有正面影響。邱騰華又指出,中美之間的任何糾紛都會對香港有直接或間接的影響。

邱騰華表示,內地和美國是香港頭兩位貿易伙伴,透過香港有直間、間接及轉口貿易的經濟關係,避免爆發貿易戰必然對香港貿易有利。此外,在貿易戰爆發前,市場氣氛已經受到影響,如今兩國達成共識,將有望在短期消除對爆發貿易戰對香港經濟造成影響的憂慮。

圖片來源:RTHK

【長洲太平清醮又嚟啦!】除咗包山同飄色 你又知唔知...?

聽日就係一年一度嘅長洲太平清醮,天文台預測聽日香港會持續高溫,計劃入長洲去睇飄色巡遊嘅市民記得準備好防曬用品同水。講起太平清醮,大家除咗知道有飄色、有平安包同包山之外,又知唔知其實太平清醮期間島上會食齋呢?

傳統上長洲太平清醮前三日開始會全島齋戒,齋期昨日(5月20日)已經開始,今年主辦大會加大力度呼籲商戶「賣齋不賣肉」,初步估計有九成商戶響應支持傳統喺齋期賣齋,或休息唔營業。計劃去長洲太平清醮嘅你,又會唔會入鄉隨俗食下齋呢?

 

 

原圖:圈新聞圖片

【焦點新聞】在港院士稱「資金過境」意義大 科研界將迎來「春天」

去年六月,24名在港中國科學院院士及中國工程院院士聯署去信國家主席習近平,關注香港的科研發展,早前獲中央政府批准讓科研資金撥付跨境在香港使用。有份聯署的科技大學副校長葉玉如接受電視台訪問時強調,聯署並非因為香港的研究經費不穩定,讓「資金過境」的意義大於具體金額多少。

葉玉如表示,聯署並非突然發生,她解釋,以往香港和世界各地科學家交流合作,曾有項目因內地資金不能過境而被擱置,此外,她又表示現時香港科研人員最多都只能參與國家的科技項目,但新措實落實之後他們就有機會承擔內地項目,擔任負責人。葉玉如相信實現「資金過境」之後,將會改善香港科研的生態環境,吸引更多國際人才來港、外地港人回流,再加上港府承諾加強對科研界支援,她相信科研界將迎來「春天」。

圖片來源:大公報

頁面