最新

【還記得我嗎?】父母離異愛犬被送走 11年後奇蹟重逢

外國網友 Kate Griffin 近日在社交媒體上載了一張照片,只見相中有一隻可愛的米黃色小狗,背後卻是一個感人故事。
Kate 的父母在 11 年前離異,家裡的狗狗 Cami 也因此被送予別人收養。自此 Kate 沒再見過 Cami ,只能遠遠地思念著牠。

11年後, Kate 某日在回家的路上,看見遠處有一隻和 Cami 甚為相似的小狗。Kate 對愛犬的思念湧上心頭,不禁上前和狗狗的主人交談。一問之下,這隻狗狗竟然也叫 Cami !「是的,從前有一個家庭因為父母離婚而將牠送走。牠真是一個小甜心,今年已經15歲了。」Cami 的主人說。

聽到這裡,Kate 已止不住淚水,並且告訴對方自己就是那個家庭的成員,是Cami 的舊主人!現任主人於是幫 Kate 和 Cami 拍下了這張照片。

一別11年,Cami 已由一隻精靈小狗,變得垂垂老矣。可幸的是,在 Cami 有限的時光中,Kate 來得及和牠重聚。看見牠一切安好,相信Kate 也心感安慰,彌補了當年的遺憾與悲傷。

【再見貓店長】超市貓貓店長離世 窩心民眾籌款建銅像紀念

喵星人天生愛自由,鍾意周圍走,英國呢隻貓貓就最鍾意去超級市場 shopping ,仲喺果度返埋工,同其他同事、客人建立深厚情誼。佢離世後大家都非常不捨,仲做咗個銅像紀念佢添。

貓貓 Brutus 以前每朝都會走到屋企附近嘅一間超市,一去就去足成日,當地居民都好歡迎呢位「新任店長」。 Brutus 每日都會巡視業務,檢查下鮮魚到貨未、睇下收銀員有冇收錯錢、向顧客賣萌,不過佢最鍾意嘅,都係同啲罐罐一齊瞓覺。人見人愛嘅 Brutus 仲有自己嘅 Facebook 專頁,成為當地人氣貓貓。可惜患有多囊腎病嘅 Brutus 於年初逝世,當地民眾為咗紀念呢位盡責貓店長,決定籌錢請人為 Brutus 雕刻紀念銅像,將 Brutus 嘅精神繼續留在超市。

#動物圈 #貓店長

【狗狗歐巴桑】用狗毛製「假髮」 白柴秒變花師奶!

唔少狗奴都中意幫狗狗扮靚靚,買衫買帽呢啲基本嘢啦!日本一位白柴主人仲親手整咗頂「假髮」俾狗狗添啊!

IG帳戶「白柴さな(バウ村のりこ)」,近日上載咗一張相,只見白柴戴住一頂有好多白色波波嘅假髮,成個花師奶咁,十分趣怪!呢頂假髮,原來係主人用狗狗本身嘅狗毛濕水搓成球狀而成,製作過程亦有拍片上載分享。各位狗奴有興趣嘅話都可以睇片學嘢,自己親手設計個靚髮型俾狗狗啦!

【超迷你】激萌小負鼠 掌心瞓晏覺

嘩~~呢隻老鼠仔好迷你啊!佢唔係老鼠BB,而係全球最細小嘅有袋動物之一「侏儒負鼠」!

澳洲動物保育團體Conservation Volunteers Australia 對侏儒負鼠進行觀察,順手上載咗呢張相,隨即融化一眾網友。只見呢隻小負鼠蜷曲身體,耳仔耷耷,好安心咁喺義工手心瞓晏覺。圖片描述寫住:「超細小的負鼠用冬眠來儲存能量……牠重量只有4.5公克,就跟一顆骰子一樣重。」
咁可愛嘅「侏儒負鼠」係澳洲好常見嘅夜行動物,主要以昆蟲、果實等等為食糧,有時仲會走入民居,喺垃圾中搵嘢食。佢哋壽命大約長3年,不過由於太細小,除咗易被天敵攻擊,亦好易被車撞到致死
下次遊澳,不妨留意下見唔見到佢哋啦!

【綠色生活】海洋塑膠變型格眼鏡 拯救加勒比海

有冇諗過飄浮海洋中嘅塑膠垃圾,有一日可以用返自己身上?

本應風光如畫的加勒比海小島海地,因當地處理塑膠污染不善,又欠缺回收設施,加上來自世界各地的垃圾不斷被浪推上海岸,令沙灘遍佈塑膠垃圾。為了解決海地的塑膠污染問題,創新企業 Norton Point 將升級回收的海洋塑膠,改造成時尚耐用的塑膠眼鏡。 Norton Point 更承諾每賣出一副眼鏡,就會有半公斤的塑膠從海洋移除。而公司對塑膠的需求,亦令當地居民開始以執拾塑膠廢棄物為收入來源之一。

根據 Ocean Conservancy 2015 的調查,海洋中的塑膠有60%是來自五個亞洲國家,因此 Norton Point 未來會將回收塑膠計劃擴展至這些地方,從源頭解決問題。

【O+、A+和B+ 跌至警戒水平 捐血救人靠曬你】

【O+、A+和B+ 跌至警戒水平 捐血救人靠曬你】

前排係咁落雨又打風,吹走咗大家想捐血嘅心,但病同意外係吹唔走嘅,香港紅十字會輸血服務中心的所有血型血液包括 O+、A+和B+ 血型血液都已下降至警戒水平!中心每日需要1,100名市民捐血,才能應付全港醫院的血液需求,拯救病人的寶貴生命。

各位合資格的捐血人士,記得趁星期六日去捐血啦!

【食落就知甘香】家家讚賞嘅臘腸!

【食落就知甘香】家家讚賞嘅臘腸!

講開臘味,點可以唔提最具代表性嘅臘腸呢?「XX臘腸,家家讚賞」呢首廣告歌真係由細聽到大,我諗香港地都好少人無食過臘腸。

原來臘腸有好耐歷史架啦,可以追溯到唐朝。當時貿易發達,到廣東傳經及經商嘅印度人同阿拉伯人帶嚟咗灌腸,廣東人因此學識點整之後再慢慢改良。
另外亦有一個傳說,相傳光緒十二年(1886年)冬天,中山一名叫王洪嘅粥販為免浪費,將煮粥用剩嘅肉切粒,佐以糖、酒調味,裝入豬小腸嘅一層薄衣內,烘乾後食用別有一番風味。街坊都爭相效仿,經過後人改良變成今日嘅腸衣臘腸。

黎到今時今日,臘腸已經有好多變化。追求健康嘅有「全瘦臘腸」。追求品味嘅有「日本蠔鼓臘腸」甚至「鵝肝臘腸」,你又有無興趣試一試?

【飲食星期五】我係臘鴨!唔係垃圾!

【飲食星期五】我係臘鴨!唔係垃圾!

正所謂「秋風起,食臘味」,雖然香港有排都 feel 唔到秋風,不過為食小編尋晚都食咗隻臘鴨脾。不過食還食,你知唔知臘鴨點嚟?又知唔知原來同香港一段禁運歷史好有關係!?

話說從前農民養鴨,鴨棚多數建於水邊。冬天時相對雞、豬等禽畜,鴨群較易捱唔過寒冬,所以農民多數喺冬天來臨之前就要大量屠宰鴨鴨,再將佢哋風乾臘製,方便保存,於是出現臘鴨。由於醃製之後會壓板令鴨子變成圓餅狀,所以又稱為「板鴨」。至於香港早期嘅臘鴨,就多數產自粵北或江西南安。由於臘鴨保存容易,又有豐富油香,所以好受大家歡迎。甚至喺朝鮮戰爭期間,美國同香港雙方,要特別就臘鴨嘅出入口制定協議!

當時,美國對中國實施出入口禁運,香港作為重要港口自然受嚴格監控。不過當時香港出口嘅臘鴨,係由中國大陸嘅鴨蛋喺香港孵出鴨B後製作而成,為免呢啲臘鴨都被禁,雙方多次書信來往最後達成協議:「條件是在孵蛋的時候,要有一位員警在場,他要為剛孵出來的小鴨在腳上烙印,鴨子長成後再另加記號,這樣才可以把鴨子宰掉,曬乾運到美國。」食隻鴨都咁麻煩,小編真係覺得宜家幸福好多。

【大風吹】阻止颶風登陸佛州 民眾發起吹走颶風活動

【大風吹】阻止颶風登陸佛州 民眾發起吹走颶風活動

美國佛羅里達州早前受到颶風伊爾瑪吹襲,人心惶惶,走得嘅走,留低嘅亦嚴陣以待。喺颶風來臨前,當地有巿民苦中作樂,話要用風扇吹走颶風!

事源有人喺 Facebook 發起活動,邀請大眾一齊用風扇吹走伊爾瑪,唔畀個風登陸佛羅里達州。估唔到活動有超過六萬個用戶參加,齊齊喺屋企擺曬風扇陣,用指南針度埋個風向,對住伊爾瑪用力吹。屋企冇風扇嘅就要發揮創意,用風筒、吸塵機,甚至用手撥…

雖然明知冇可能會吹得走個風,但呢種傻更更嘅活動,正是全國人心惶惶時最需要嘅安慰。

【世界搜奇】全球指甲最長的女人 破健力士世界紀錄

【世界搜奇】全球指甲最長的女人 破健力士世界紀錄

世界上有唔少奇人奇事,《健力士世界紀錄大全》嘅2018年版本中,就包括咗呢位留咗23年指甲嘅女人,各位鍾意美甲嘅女士,或者可以參考下佢嘅祕訣!

來自美國德州的 Ayanna Williams 是一位退休美甲師,當初受到一位朋友的啟發,決定留長指甲,一留便留了大半生。 Ayanna 的指甲足足有兩呎長,每天都要用抗菌肥皂和指甲刷打理。想為指甲扮靚時,更需要花一個星期的時間才能為所有指甲塗上指甲油。 Ayanna 亦會定期為指甲塗上硬化劑和一層薄薄的丙烯,以保護脆弱的指甲。擁有長得誇張的指甲的 Ayanna 指,生活中最困難的大概是要穿上褲子的時候。

在申請健力士世界紀錄時, Ayanna 最希望的是能夠藉此鼓勵孩子,只要自己想做,又有勇氣、自律和耐性的話,任何事都能完成。

頁面