最新

【MÖVENPICK登陸觀塘 連續2週末買一送一】

 

MÖVENPICK 雪糕專門店喺觀塘 APM 商場登場,今個週末(18-19/8)、同下個週末(25-26/8)喺APM 嘅一田超市專門店、以及尖沙咀馬哥孛羅香港酒店嘅雪糕限定店,買任何味道嘅雙球杯裝雪糕,就會送指定味道嘅雙球杯裝雪糕!仲唔快啲tag埋個friend一齊去?

【Lonely Planet終極美食體驗排行榜              香港食點心打入十大】

 

鍾意跟著美食去旅行嘅留意嘞!著名旅遊指南Lonely Planet公佈咗「終極美食體驗排行榜」,西班牙小吃Pintxos成為全球之冠,第2係馬來西亞嘅喇沙,第3係壽司,香港嘅點心亦都打入十大,排第10,好勁呀!

 

Lonely Planet係先向全球嘅美食博客做調查,經評選後再由專業廚師、美食編輯等,按食物嘅味道、文化重要性、整體環境去評分,佢哋強調,排名係指喺某個地點、食某種食品嘅指標,而唔係指邊間餐廳、廚師或菜式。

 

喺香港食點心係全球十大嘅最佳美食體驗丫,大家又最鍾意邊款點心呢?

 

Lonely Planet終極美食體驗排行榜(Ultimate Eatlist )頭十大:

1. 在西班牙San Sebastian享用餐前小食Pintxos

2. 在馬來西亞吉隆坡食咖喱喇沙

3. 在日本東京食壽司

4. 在美國德州享用牛肉

5. 在泰國曼谷吃青木瓜沙拉

6. 在丹麥哥本哈根吃聞名世界的開放式三明治(Smørrebrød)

7. 在新西蘭凱庫拉(Kaikoura)享用小龍蝦(Crayfish)

8. 在韓國首爾吃石頭鍋飯(Bibimbap)

【焦點新聞】美國當局介入調查馬斯克私有化Tesla帖文 如非屬實或會被檢控

電動車生產商Tesla行政總裁馬斯克,早前在社交網站發帖文表示,有意以每股420美元私有化Tesla,並已確保融資。有消息指,美國證券交易委員會已經介入調查。

《華爾街日報》引述消息報道,當局已向Tesla董事會施壓,要求說明馬斯克在發出帖文前有透露多少消息給董事,而董事會何時和知道多少有關細節。報道又指,若然私有化計劃並非如馬斯克所言,有得到足夠融資,馬斯克就會涉及誤導和失實聲明,屆時或會被檢控。

霍士商業頻道一名主播表示,Tesla法律團隊已開始評估馬斯克有關帖文引發訴訟的風險,以及引述的賠償和開支有多少,推算或涉及數以十億美元。

圖片來源:新華社

【焦點新聞】外媒報道人行停止上海自貿區銀行將人民幣調往境外

《路透社》引述消息報道,人民銀行上海分行已宣布,由於近期離岸人民幣波動大,上海自貿區的銀行即日起不能通過同業往來帳戶,向境外存放或拆借人民幣資金,但不影響實體經濟真實跨境資金調動需求。

有交易員認為,措施收緊離岸人民幣市場流動性,增加沽空成本。

圖片來源:新華財金社

【焦點新聞】馬哈蒂爾訪華五日 先參觀多間創科公司

馬來西亞總理馬哈蒂爾今日起一連五日訪問中國,馬哈蒂爾會先出席一系列的參觀活動,週一會在北京與國家主席習近平、總理李克強會面。

馬哈蒂爾預料今晚會抵達杭州,明日參觀阿里巴巴集團總部及吉利控股集團,亦會與浙江省委書記車俊進行禮節性會面和午宴,之後再轉到北京參觀商用無人機公司「大疆創新」。馬哈蒂爾訪問中國期間,亦會參觀國家農業科技創新園。

圖片來源:新華網

【焦點新聞】印尼警方亞運前槍殺數十名流氓 國際組織關注人權狀況

2018亞運正在舉行,國際特赦組織指印尼警方在亞運舉行之前,槍殺數十名犯輕微罪行的流氓,擔心印尼的人權狀況。

組織指,根據傳媒報道,印尼警方曾在今年1月至8月,在耶加達和巴鄰旁打擊街頭罪案期間,槍殺了31人,而全國就射殺了77人,較去年同期大幅增加。組織強調,舉辦國際體壇盛事,亦不能以犧牲人權作為代價。

圖片來源:18th Asian Games Jakarta-Palembang 2018 Facebook專頁

【焦點新聞】獅子山公園成登革熱源頭 衞生防護中心顧問醫生建議關閉

本港昨日再確診三宗登革熱個案,本週內累積七宗確證個案,是近年新高。衞生防護中心社會醫學傳染病顧問醫生張竹君出席電台節目時表示,七個宗個案中有五名患者曾去過獅子山公園,相信獅子山公園是一個主要的感染源頭,將於下午舉行的政府跨部門滅蚊督導委員會,提出暫時關閉獅子山公園。

張竹君又指,登革熱病毒潛伏期為兩週,相信未來兩週是關鍵期,會密切留意會否出現新增個案,又呼籲有發燒、頭痛等症狀的市民要盡快求醫。

圖片來源:RTHK畫面截圖

【烏鴉清潔工】

 

唔知大家細個果陣有無聽過《伊索寓言》入面嘅一個烏鴉飲水嘅故仔?故事裏面嘅烏鴉搵到個裝住半樽水嘅樽,但因為個嘴太短,飲唔到,於是聰明嘅烏鴉就去叼啲石仔落個樽度,等個水位升高,烏鴉就可以飲到水喇。

法國一個叫Puy du Fou嘅主題公園,唔知係咪受《伊索寓言》啓發,利用烏鴉嘅高智商,開始訓練6隻烏鴉負責清理樂園地下嘅垃圾。烏鴉會叼走煙頭同比較細嘅垃圾,仲會將呢啲垃圾叼去個細盒度收集埋一齊,超醒啊!烏鴉完成任務之後,職員會用食物嚟做獎勵。呢6隻受訓緊嘅烏鴉入面有一隻已經開始當值,加入清潔小組。樂園負責人話訓練烏鴉做清潔工,除咗可以保持園內清潔,仲可以推廣環保,宣揚愛護環境嘅信息。咁有意義,小編覺得烏鴉清潔工將來肯定會成為呢個樂園嘅熱門景點囉。

圖:《力報》

【台灣忠犬醫院守候7日 等主人一齊返屋企】

 

狗狗係人類嘅好朋友,對人類忠心不二,台灣有隻忠犬「拉拉」就再一次證明咗呢一點。

話說高雄有個70歲嘅婆婆因為發燒要送院留醫,而婆婆養嘅一隻黃色狗狗拉拉竟然一直跟住婆婆去醫院,仲堅持喺醫院出面等婆婆,屋企人點叫佢都唔肯走!為咗避免拉拉被當成流浪狗捉走,婆婆嘅屋企人掛咗個牌喺拉拉條頸度,個牌寫住:「(我不會咬人)你好,我的主人在住院,我在顧車等主人!」點知婆婆一住院就住咗已經一個禮拜有多,拉拉亦都喺醫院門口等足咁耐!

原來婆婆係糖尿病患者,拉拉似乎都好擔心婆婆,一直以來都陪伴佢左右,半步不離。喺醫院守候期間有好心人俾嘢佢食,佢都唔肯食,剩係一臉擔心樣咁望住醫院門口,靜靜咁等婆婆出院。好感動~不過大家都唔洗擔心拉拉會餓親,因為婆婆嘅屋企人每日都會送食物同水俾拉拉。

希望婆婆快啲好返出院,帶拉拉一齊返屋企喇!!

圖:可愛動物讚一個

【焦點新聞】本地登革熱個案增至7宗 衛生防護中心指形勢嚴峻

衛生防護中心再確認三宗本地登革熱個案,本港在一星期內確診感染個案增加至七宗,是近十年最高,而大部分患者都到過獅子山公園。

新增的三宗本地登革熱個案,包括兩女一男,年齡由31至61歲。衛生防護中心指目前形勢嚴峻,前所未有。

原圖:資料圖片

頁面