最新

Looop-x-on菇男-母親節banner768x90.jpg

【焦點新聞】土地大諮詢 黃遠輝指每個展覽點平均收100份問卷

土地供應專責小組的公眾諮詢已經進入第二階段,現階段進行全港巡迴展覽及舉行問卷調查。

專責小組主席黃遠輝出席一個電台節目,回應現階段的諮詢,他表示市民反應不錯,有自己的看法,平均每日每個展覽點平均收回100份問卷。

原圖:港台新聞截圖

【焦點新聞】馬時亨回應日前言論 或因「天氣熱、無祈禱」

港鐵主席馬時亨日前回應高鐵車輪磨損事件,指相關同事已經回應不會影響系統安全,表示不需再給予太多資料,大家應該相信港鐵管理層等言論引起社會討論。

馬時亨早上出席一個電台節目解釋,指自己當日可能受到天氣熱或者早上沒有祈禱影響。被問到會否收回或修正相關言論,他表示不需要修正,即使提供更多資料,對事件亦無改善。他再提到,希望市民明白如果凡事匯報,會為同事帶來沈重的負擔和壓力,在公眾知情權和員工之間,要有平衡。

馬時亨重申港鐵受監察、具透明度,公眾應相信港鐵管理層。

原圖:港台圖片

【Congratulations】機械人代患病少女上台領畢業證書

大學生們,宜家應該都差不多考完試,等放假,而Final Year嘅同學仔,一早就plan咗畢業旅行啦!對於畢業禮,你哋有期唔期待呢?

美國一名中學生Cynthia Pettway因爲患病必須住院接受治療。當佢好努力地完成嗮成個課程,但最終都係無辦法參加畢業禮,唔可以親身領畢業證書。學校就決定派出一個機械人,幫它穿上畢業袍同戴上四方帽,仲係佢頭部放咗部iPad。就係咁,係醫院嘅Cynthia就透過iPad直播,遠距離地「參加」畢業禮。

畢業禮當日,Cynthia著住畢業袍,仲有四十幾位親友陪住佢,係醫院度睇畢業禮嘅直播。係機械人代佢上台領畢業證書果一刻,更全場拍掌,真係好感動!連Cynthia自己都感動到喊咗出嚟呢!

圖片:Washington Post

【圈短片】【嘩,靚到喊!】美國夢幻鹿湖超清澈 恍如置身童話世界

//美國賓夕凡尼亞州中部呢個湖,成群鹿仔喺度嬉水,靚到成個世外桃園咁~小編有機會都好想去下!//

【圈短片】【視障+健視 跑出正能量】1200人參加共融長跑 李先生:得到大家的鼓勵支持很開心 江小姐:就算我們是殘障人士都是有能力 曾小姐:鼓勵他們、發掘自己的長處

//今日超過1200人參加呢個長跑賽事,其中有視障人士參加,大家一齊跑,齊齊實行傷健共融!大家都一齊畀Like,送啲正能量畀視障人士啦!//

【玩通頂唔返屋企】泰主人怒持棍等門 汪星人神化解

金翅大鑊鳥,尋晚玩過夜無返屋企,諗住靜靜雞返屋企,點知老竇已經拎住支棍喺街口等緊!泰國有隻汪星人,Happy咗一晚爽YY咁返屋企,點知離遠就見到主人拎住支長棍等緊,即刻縮尾耷耳、一個慘慘樣喺主人腳前坐定定聽訓話...一陣咁多啦。

汪星人見主人訓話無停止嘅跡象,決定無視長棍豁出去攬實主人肚腩耍冧撒嬌,主人見佢咁嘅款都睇怕嬲唔落,講多兩句就收隊大團圓結局啦!所以話,道歉唔代表輸架!
 
原圖:ช่างไก่ คาร์เซอร์วิส FACEBOOK
 
影片連結:https://www.facebook.com/groups/1898567510412327/permalink/2101955736740...
 

【拒載號出發啦】紅的四驅車 獲網友封「拒載號」

香港街頭不時上映「唔過海」嘅場景﹐竟然可以搬返屋企慢慢玩!日本模型製造商Tamiya與本港嘅偉高模型合作,推出本土味十足嘅Hong Kong Racing Taxi紅的四驅車,激發起大家嘅創意!

 

呢款模型附有多個香港 "的士TAXI","5 SEATS" ,"HK 852" 車牌等貼紙,相當具有本地特色。包裝方面首次巧妙地引用香港著名景點獅子山及繁忙的夜間公路作主題。隨車附有中文說明書,這是田宮模型史上第一次附有中文說明書。

 

要玩得夠地道,有網友就話「要自製"暫停載客"個牌先得」,有網友亦以呢部戰車為背景創作故事「漫畫主角每次掉呢部拒載號出去比賽,部車都會兜路,去唔到終點,或者係賽道逆線行駛,同其他参賽車輛發生碰撞。輸左比賽之後,主角想截停部車,都係一件好困難嘅事...」。

 

圖片: 偉高模型@fb

【愈來愈少人用】西隧又加價 的士$65私家車$70

提提大家,西隧今日(27日)加咗價嘞,私家車加到$70、的士$65、小巴及輕型貨車元$80、中型貨車$105、重型貨車$135,呢啲車全部都係加咗$5。

 

另外單層巴士隧道費將加價$10至$130元、雙層巴士加$15,新收費$185元;電單車及機動三輪車維持$25。西隧專營公司就話,實際淨收入一直低過法例訂明最低估計水平,需「調低優惠」(其實咪係加價!) ,確保能繼續穩健營運。

 

又加價,大家梗係唔想啦,有網友話「貴已經唔行、更加價、更加唔行啦」、咁搞法越黎越多人用紅隧,只有塞上加塞」,但亦有人覺得,金錢買時間,所以唔反對。你又點睇?

【幾時到香港】美國運動公司推夏令時間 公司業績不跌反升

因應日照時間長短,記得中學嗰陣有分夏令同冬令時間,但係點解返工無夏令時間架呢??????? 美國一間公司就好有遠見同貼心,有夏令返工時間,即每年有4個月每日返5個鐘就收工,好爽呀!

 

Tower Paddle Boards係美國加州一間水上運動用品公司,2015年開始試行每日工作5小時,返8半放1半,工作量、人工不變,仲增設分紅制度,鼓勵員工加快工作速度。實施呢個咁偉大嘅制度後,公司業績不跌反升,同事仲可以一齊去滑浪、打波添!

 

外國嘅例子唔係第一次見嘞,講咁多,香港有無老闆咁有遠見呢?

 

圖片: towerpaddleboards.com

【香港勁揪!】19歲港青陳家希珠峰登頂           或刷新最年輕紀錄

19歲香港青年陳家希Benjamin日前登上海拔8848米嘅珠穆朗瑪峰,有機會成為最年輕攀上珠峰的香港人!Benjamin攻頂後好興奮咁拎著特區區旗影相,記低歷史性一刻,睇見都好開心!

 

根據資料,以往已有6名港人成功登頂,今年適逢係人類首次成功攀登珠穆朗瑪峰65周年就再多4港人首度攀登珠峰,與Benjamin同行嘅仲有黃偉建、古錦輝、及邵樂基。

 

Benjamin係英皇佐治五世學校(KGV)讀中學,原本今年升讀大學,但佢抽一年時間,俾咗個目標自己─就係完成「探險者大滿貫」(Explorers Grand Slam),即係征服全球七大洲最高峰,並抵達南極點及北極點,成為最年輕紀錄保持者!

 

 

Benjamin家人透露,佢星期日就會返到香港,希望到時可以聽佢講吓今次探險嘅故事啦!

 

圖片: Reecho.hk@fb

頁面