最新

【圈短片】【「創科博覽2018」大玩VR!個個都畀LIKE!】施小朋友:第一次玩、我覺得好正 劉小朋友:如果用VR就可以喺堂上互動一下 林先生:更加印象深刻、我相信佢玩完之後若干年仲記得

//「創科博覽2018」直到2/10日會喺會展舉行,場內咁多攤位入面,最受歡迎嘅非VR莫屬!個個玩完之後都話好正,仲唔快啲去試下?//

【中秋好節目 一定唔會悶】

今日中秋節,偏偏天氣唔多好⋯⋯睇怕都幾難見到又大又圓嘅八月十五的月光嘞,唔知大家有咩節目呢?

 

若果天氣唔太差嘅話,大家不妨去賞下花燈。而家維園舉行緊「戊戌年中秋綵燈會」,係全港最大型花燈會,今晚8點至11點會有「綵燈晚會」。如果認為賞花燈有啲文靜,想睇刺激啲嘅節目,大家可以喺今晚8點15分到銅鑼灣大坑,欣賞舞火龍表演,表演會持續到10點半。若果今晚出唔到去,上述兩個節目喺聽日(25/9)都仲有得睇。

 

另外,大家仲記得的話,舊年利東街嘅特大月亮裝置變咗繼主角月亮之後,第二大熱門中秋必影物。今年利東街同中港城再接再厲,同國際著名澳洲藝術家Amanda Parer合作,展出10隻曾於80多個城市及40個國際藝術節巡迴展出嘅巨型月兔藝術裝置INTRUDE。又大又白又pure,真係十分應節!

 

好啦,介紹咗咁多,最重要都係好天、好天、好天!

 

祝各位有得早放!天公造美,中秋節快樂!

 

圖:網絡

【焦點新聞】中國大使館譴責瑞典電視台播辱華節目 要求立即道歉

中國駐瑞典大使館發聲明,譴責有瑞典電視台播出辱華節目。聲明中提到,有關節目主持人羅恩達爾發表惡毒侮辱攻擊中國和中國人的言論,形容有關言論是赤裸裸散播、宣揚種族主義和排外主義,公然挑起煽動針對中國及其他族裔的種族仇視和對立,而節目內使用的中國地圖缺少台灣省及西藏部分地區,是嚴重侵犯中國主權和領土完整。

大使館批評有關節目已經突破了人類道德底線,嚴重挑戰人性良知,嚴重違背媒體職業道德,要求瑞典電視台及有關欄目立即道歉,並保留就此采取進一步措施的權利。

圖片來源:中國駐瑞典大使館網頁截圖

【抄襲0分冇得上訴 教授:「勿致歉、勿申訴、勿求情」】

貓咪係人見人愛嘅動物,唔同品種嘅貓都各有「奴才」喜愛。但有一種貓相信係人見人憎,嗰種就係copycat嘞。近日,中國科學院大學副教授蘇湛怒斬copycat,將22位抄襲功課嘅學生評為0分,而且用文言文出電郵,講明「此分不改」。

蘇教授係「科幻文學與影視創作系列講座」課程嘅老師,這個課程嘅成績有兩部分:考勤60%,期末功課40%,而今學期嘅期末功課係創作科幻作品。本來就算唔交功課,出席率夠應該都可以合格,但蘇教授喺批改過程中見到有學生嘅作品「好到唔正常」,於是上網逐字逐句搜索,發現呢啲學生果然係抄襲網上作品,甚至抄法國作家凡爾納(Jules Gabriel Verne)嘅作品!

蘇教授認為抄襲對其他學生好唔公平,特別係嗰啲雖然文筆唔好,但依然努力創作嘅學生。於是佢決定重罰有抄襲嘅學生,158位選修學生中,有22位被判定抄襲,唔只功課0分,仲要「不問考勤,皆黜落」,全科肥佬。佢仲話做老師嘅一個基本原則,就係唔可以對抄襲行為姑息縱容。

 

圖:網絡、歷史趣聞

【焦點新聞】元朗發生三級火 消防在起火單位發現一名死者

昨日下午5時許,元朗十八鄉路138號翹翠峰一個單位發生三級火警,消防處派出19架消防車及救護車,以及72名消防員和救護員到場。消防動用一條喉及四隊煙帽隊灌救,又用雲梯將起火單位相鄰單位露台的3名女子和小童救回地面,並疏散170人。

消防救熄大火之後,在起火單位內的走廊發現一具燒焦屍體,死者為56歲的女住客,而起火原因仍然在調查之中。

圖片來源:RTHK畫面截圖

【焦點新聞】文在寅到訪美國 將與特朗普討論兩韓峰會成果

南韓總統文在寅抵達美國紐約,將與美國總統特朗普會面,介紹他上週到訪平壤,與北韓領袖金正恩的會談成果,之後他又會出席聯合國大會發表演講。

金正恩與文在寅會面時承諾,將拆除東倉里導彈發射台,以及廢棄寧邊核設施,以換取美國採取相應措施。外界預料,文在寅此行將會與美國討論北韓無核化問題的方案,亦為美朝對話尋求突破。

早前有南韓官員亦表示,文在寅此行亦會與特朗普簽署韓美自貿協定修訂案。

圖片來源:青瓦台Facebook專頁

【焦點新聞】李家超指不可以將民族黨言論視為政治口號

政府今早刊憲,禁止香港民族黨在香港運作或繼續運作。保安局局長李家超指出,香港民族黨的公開綱領包括要建立「香港共和國」、廢除《基本法》、香港憲法由香港民族制訂等,這些綱領都嚴重違反《基本法》。李家超重申,他決定禁止香港民族黨在香港運作或繼續運作,是基於維護國家安全、公共安全、公共秩序,和保護他人自由和權利的需要。

李家超說,雖然香港民族黨未有實質暴力行為,但曾多次表示會以一切有效方法,包括武裝革命、滲透社會各界爭取香港獨立,又表明不排除使用武力爭取「港獨」、呼籲支持者使用武力,他強調不可以將這些行為視為「政治口號」,有需要禁止香港民族黨運作。

圖片來源:RTHK

【圈短片】【中秋最緊要團團圓圓、祝大家中秋節快樂】蔡先生:大坑舞火龍會去到維園嗰度、比較特別啲就去睇下 曾同學:習慣咗中秋會BBQ

//香港嘅中秋節已經演變成有各種慶祝嘅方法,最典型嘅當然就係BBQ,仲有好多靚景可以去添!不過最緊要嘅當然係一家人齊齊整整,大家要珍惜眼前人啊!//

【焦點新聞】林鄭月娥:政府於一年間於創科上取得一定成績

行政長官林鄭月娥在團結香港基金舉辦的「創意博覽2018」開幕典禮上表示,她去年在香港的施政報告中提出,香港要大力發展創新科技。在不到一年的時間裡,政府取得了一定成績,例如早前香港兩院院士的信件獲國家主席習近平親自批示,中華人民共和國科技部向香港「過河」推出中央科研基金。國務院副總理韓正在大灣區建立了一個領導小組,將香港定位為國際技術創新中心。到目前為止,「科技人才入境計畫」已批准了超過100項申請。她還指出,政府希望為香港的創科公司提供稅務優惠。有關法案已提交立法會,希望能吸引更多企業在科研上投入更多資源。

圖片來源: 大公報

頁面