中大研究指出，近4成本港青年每日瞓唔夠8個鐘，增加患上心臟病或中風等心血管疾病嘅風險，其中一個較極端嘅個案每日只係瞓3.5小時！相信係同功課、學習壓力有關；另外因應青少年嘅生理因素，一般較遲瞓1-2小時，研究亦建議學校延遲返學時間。
中大醫學院於2012至2015年，招募了142名10至17歲嘅青少年，紀錄他們過去7天嘅睡眠時數，以及頸動脈內膜中膜厚度（CIMT)，以預測佢哋患上心血管疾病嘅風險。調查發現，37%青少年每日平均只係瞓得7.6小時，低過美國全國睡眠基金會建議嘅最少瞓8個鐘。此外，佢哋嘅CIMT厚度亦與心血管疾病高風險人士相若，顯示瞓得少，心血管疾病風險亦Z都增加。
其實瞓得少對身體唔好又點會唔知，但係要早起返學、仲要做功課、補習、課外活動，仲未計上吓網、打吓機呢?另外由於青少年褪黑素比成人或小童人慢，會遲瞓較1-2小時，外國有指引話青少年嘅返學時間應該係早上8時半後，中大嘅研究亦都建議學校考慮延遲返學時間15分鐘，增加青少年睡眠時數，改善情緒。各位校長、老師、家長，聽到未呀?
天氣咁熱，同班friend去沙灘玩就最正！不過玩時玩，唔好好似佢咁嘞….
日本樂隊Wednesday Campanella早前獲邀喺沖繩一處海邊表演，主音Kom_i更加走入一個透明大氣球裡面同現場fans動，玩到鬼咁high！不過推吓推下，個波竟然碌咗落海，仲一路吹呀吹，吹到外海，結果要勞煩救援人員幫忙，幸好Kom_i最後平安返嚟，而佢喺海面上孤獨漂淨嘅相亦被粉絲、網友瘋傳，被人笑爆呢。
圖: 星期三的康帕內拉台灣後援會@fb
買麥當勞執漏嘢時有發生﹐台灣位網友分享，買麥樂雞餐店員執漏咗薯條，於是折返。為表歉意，店員特意送多一包薯條賠罪，但返到屋企打開紙袋望望，個網友崩潰了。
網友喺「爆怨公社」Facebook網頁分享故事。佢話返到屋企滿心歡喜打開紙袋，準備開餐，點知今次輪到有薯條沒雞，令佢崩潰了。網友就講笑咁話「店員想多看你幾眼」「好幽默的店員」、「店員是不是想要你的line」。
樓主又解釋，佢無唔開心，其實只係想食舊雞啫。最後因為太肚餓，無再返去嘞，「我放棄了，吃了2包薯條！」
你又有無試過麥記執漏啲咩俾你呢?
#熱香餅無糖漿勁乾
成日都話狗係人類嘅好朋友，因為佢哋本性真係好鍾意同人玩、被人錫。台灣花蓮有隻白色狗狗，因為被主人派去鎮守香蕉園，一隻狗太孤單，所以見到有人接近就會好開心咁翻個肚皮仔出嚟俾人摸。佢仲試過追住架車成1公里，剩係爲咗同人玩，得意之餘都好令人心酸！
香港每年丟棄約37億個250ml紙包飲品盒，有43,000噸，足足可以鋪滿16.9個香港大球場！世界各地一直有回收紙包飲品盒，但香港幾乎是零。有環保團體同社區組織合作，全港首設紙包飲品回收再造，希望可以，減輕堆填區壓力。
「綠色力量」聯同多個社區組織，於旺角、美孚、大坑、南丫島等8個地區設置回收點，將回收的紙包飲品盒送去泰國循環再造，製成再造紙及鋁塑夾板。
回收紙包飲品需要大家一齊努力，四個步驟，乾淨回收：
1. 剪開和攤開紙包飲品盒；
2. 除去膠蓋；
3. 清洗乾淨並晾乾；
4. 把鋁、紙、膠分開。
8個社區協作回收點：
旺角 綠色力量辦事處
地址：旺角登打士街56號家樂坊23樓2314室
開放時間：星期一至五 9:30am – 6:00pm（公眾假期休息）
美孚 慈濟資源回收點
地址：荔灣街市側天橋底
開放時間：逢星期五 7:30pm – 9:30pm
大坑 「大坑＊不是垃圾站」
地址：銅鑼灣道休憩處（銅鑼灣道與摩頓臺交界）
新學年新書包，好似係指定動作，但其實唔係人人都可以咁幸福。本港註冊慈善機構香港兒童力量會係8月舉辦徵集二手書包，希望收集到200個舊書包轉贈俾柬埔寨嘅貧窮學童，環保之餘亦希望為佢哋送上祝福，等佢哋都可以用「新書包」，開開心心返學。
捐贈嘅書包即使有學校校徽，只要無爛都可以捐：
- 已預先清潔
- 整潔及沒有損壞
- 有兩肩背帶
- 適合各年齡層的學生使用
- 非金屬板護脊或拉桿書包
- 非使用電磁的書包
活動詳情
日期：2018年8月1日至7日
書包收集地點： 奧海城一期二樓 Waterfall Sports & Wellness (奧運站A出口)
時間： 每日上午9時至下午7時
受惠機構： 環球宣愛協會
香港書展2018今日開鑼，大家可以支持本地文化、去睇書、買書、 買文具精品之餘，亦可以出一分力，支持環保。
1 多用app少用實體地圖, 羸走豐富禮品
今年書展為了讀者可以隨時隨地獲取書展最新資訊，首推「香港書展流動應用程式」，減少使用實體地圖。另外憑app去到不同層數儲印，再出示當日門票，就可以參加抽獎，獎品包括5萬Asia Miles 、iPad Air 2等！
2 自備環保袋
塑膠購物袋收費已全面推行，覆蓋範圍當然包括展覽，參展商不會免費派發膠袋比顧客，所以參觀人士最好都係自備購物袋，支持環保。
3 環保消費
儘量購買可重複使用或簡易包裝的產品，一方面可以避免不必要的浪費，另一方面可減少廢物嘅產生，令堆填區無咁快飽和。
4 回收籠
除咗書迷之外參展商都要着意環保，參展商在書展完結之後，需清理攤位內的所有垃圾及其他廢棄物，確保所有剩餘展品存貨沒有棄置為垃圾，並需全部搬離會場，廢紙及其他可回收的物料亦應棄置在場內的相關回收籠內。如參展商未能遵守以上的規定，主辦機構將保留權利對參展商作出處分。
書展詳情：
書展聽日(18日)就開幕啦，各位書迷好9……秒9衝入去未？今屆書展會係7月18至24日舉行，主題係「愛情文學」，愛情嘢唔啱睇? 唔緊要，一如以往，亦有各類流行文學、旅遊、學習書藉、文具等，記得帶定足夠現金同埋拉喼呀。
今年書展特設電子錢包購票，大家可以喺指定便利店、快達票買定飛，拎著個QR code就入場，就唔使去到會展同人逼買飛嘞。
又要搭車、又要入場費、又要食晏，入得書展當然想去到盡！集合多年經驗，幾個慳錢小貼士希望幫到大家：
● 最後一日掃平貨
書商最後一日通常都會要錢唔要貨，若果24號(星期二)就到時間，會係不錯嘅選擇。
●入場趁早
上午入場票價係$10，比正價平一半，有體力可以玩到閂門都得。不過留意返，早場飛只限現場即售。
●$80無限次入場
想分開日子多次入場的話，可以喺7月18日前，買張價值$80嘅「超級書迷證」，可以喺書展期間無限次入場，仲可以用特別通道入場，快人一步添。
●免費入場
若果喺7月18或19日 以正價買飛入場嘅人士，記得保留完整票尾， 喺7月20、21或22日下午5時後就可以免費入場一次。
本年度六合彩暑期金多寶攪珠明晚（17日）舉行，今期將有$6000萬金多寶，馬會估計頭獎基金有機會高達8000萬元，截止投注時間係晚上9:15分。
根據資料，以往喺暑期金多寶攪出次數最多嘅數字係3、10、47；複式8個字嘅中獎機會亦較高。
9月開學，就快又要買過啲校服準備嘞。不過消委會檢查發現有校服樣本驗出帶有致癌物芳香胺嘅偶氮染料，長期穿著經皮膚吸入或致癌！
調查抽取咗49個校服樣本，其中2款驗出致癌物，包括「心怡校服」公司買到嘅上水鳳溪第一中學連身裙校服，喺配飾布製格仔腰帶位置，檢出4-氨基偶氮苯（4-aminoazobenzene），濃度超出內地標準1倍；以及「成順發校服」買嘅
嶺南中學女裝上身衫3條灰色綑邊布料，濃度超出內地標準7倍。不過喺呢2個樣本嘅主體布料、以及其餘47個樣本都無發現致芳香胺。有專家指出，今次發現芳香胺樣本嘅位置接觸皮膚機會較少，降低咗風險。
另外調查又發現，有8款樣本含致癌嘅甲醛，濃度由每千克12毫克至32毫克不等，符合內地標準。由於甲醛可溶於水中，所以消委會建議消費者穿著新校服前應先清洗1次，減低影響健康風險。
此外，「成順發校服」嘅長褲、「維多利校服」嘅連身裙酸鹼值超出內地標準容許範圍，容易引致皮膚敏感，不過經清洗一次後酸鹼值已達致容許範圍內。