最新圏生活

【維港都抽乾了】啤酒公司設計銀紙 「可能係世界上最好同最靚」

政府早前公佈咗2018新鈔嘅樣,引嚟大家熱烈討論,唔少人都表示個樣似曾相識,好似清明時見過。最近連啤酒公司都加入齊抽水,仲好囂張咁話,「可惜嘉士伯唔造銀紙,一造,都可能係世界上最好同最靚。」

 

大家又鍾意邊款新鈔多啲呢?

 

圖: Carlsberg@Fb

【美學嘅嘢....】十大醜陋建築選舉

大陸嘅「十大醜陋建築評選」又返嚟嘞!今年已經係第九屆,聽講要入選其實都易架 ,要符合一啲條件、再經網友投票,包括:

 

1.建築使用功能極不合理;

2.與周邊環境和自然條件極不和諧;

3.抄襲、山寨;

4.盲目崇洋、仿古;

5.折衷、拼湊;

6.盲目仿生;

7.刻意象徵、隱喻;

8.體態怪異、惡俗;

9.明知不可為而刻意為之。

 

唔知今年又有啲咩建築入左圍呢?暫時出咗一啲排名,俾大家欣賞吓先!

 

#老實講呢啲建築真係幾醜

#真係唔知啲設計師係點諗嘅

【未聽過唔算00後】

每個年代嘅細路都總會試過捕係電視機前面等睇心水節目嘅時候,當中一定會有首屬於你嘅兒歌,就算去到依家同班朋友講番起 大家之間都一定會有共鳴嘅歌!

 

尋日同大家數過80、90後兒歌,今日嚟到00後!第一代嘅00後 依家都已經有不少人18歲啦,唔知呢班已經成為大人嘅「小朋友」又覺得邊首兒歌最有共鳴呢?

 

#不妨留低歌名

#其實小編就係第一代嘅00後

#聽返啲兒歌真係咩回憶都返哂黎

#未聽過嘅人快啲上YouTube聽啦

#share同tag你身邊嘅00後睇下佢又有咩兒歌

【迪士尼好快又有新野玩    蟻俠與黃蜂女:擊戰特攻!】

迪士尼係2019年將會推出Marvel主題遊樂設施「蟻俠與黃蜂女:擊戰特攻!」,兩位主角仲會係呢個遊樂設施入面現身!男主角保羅活特都話:「好開心可以係香港迪士尼呢個蟻俠嘅遊樂設施同大家見面!」遊客可以搭神盾局最新嘅野戰車,同蟻俠、黃蜂女並肩作戰,一齊擊倒邪惡勢力Arnim Zola同埋佢嘅海德勒機械蟲軍團,絕對係食著MARVEL電影係香港嘅熱潮!!!

 

呢個新嘅遊樂設施係迪士尼分階段擴展計劃嘅其中一部分,亦係繼2017年開幕嘅「鐵甲奇俠飛行之旅」後,園內第二個Marvel主題嘅遊樂設施,將會坐落係「史達科技展」旁邊,前身為「巴斯光年星際歷險」。迪士尼擴建計劃為期6年,耗資$109億,由2018至2023年分階段落成,即係差不多每年都有新嘢玩。而互動舞台演出「魔海奇緣凱旋慶典」就喺今年5月已經正式推出,為擴建計劃揭開序幕。

 

#小編都想去玩啊

#佢仲要係超動感射擊遊戲啊

 

圖片來源:香港迪士尼樂園

【出賣年齡】小塵埃翻唱經典兒歌   一起Recall a Little bit

90後清新組合小塵埃早前推出新碟,翻唱6首80、90年代經典兒歌,包括阿花的故事、小太陽、哪兒、仙樂處處飄、如果一打、生命有價,勾起唔少網友嘅回憶。

 

小塵埃話:「希望咁多位已經成為大人嘅『小朋友』,聽返以前嘅兒歌時,可以喚起一啲逝去嘅記憶、價值觀同想法,亦希望大家可以珍藏呢啲兒歌,介紹俾而家嘅小朋友承傳落去。」

 

你又覺得邊首最深刻?

 

#得嘞得嘞 #唔好話我知你未聽過

#未聽過自己YouTube搵

暑假可以做咩?

旅行、打機、行街? 太普通啦!
當然係割包皮啦(好似係),三人行必有優惠,割包皮都有得組隊,重唔叫啲friend一齊割。

圖:隔岸觀火@Fb

#tag3個friend一齊去割包皮啦

【顛覆時代】英國現實版Iron Man成功研發飛行衣 350萬嘗自由飛行

人類一直都好想好似雀仔咁飛,雖然飛機嘅發明係一大進步,但同真正嘅自由飛仲有距離。39歲嘅英國發明家Richard Browning將呢個飛行夢變成真,研發咗一套以5個噴射器做動力嘅飛行衣,想好似Iron Man咁飛再不是夢!飛行衣售價34萬英磅(約351萬港元),喺香港一個單位都買唔到嘅價錢就可以擁有佢!

 

呢套飛行衣時速可達32英哩,最高可飛到1.2萬呎,雖然睇落同Iron Man嗰套好似,但Richard話當初無意製造一件Iron Man盔甲。咁點解佢當初有呢個咁瘋狂嘅想法? 佢話最初係覺得好玩,但歸根究底係因為「我鍾意挑戰」。佢開初只係part time咁,每日收工或者週末就研究吓,經歷無數次跌低再嘗試,終於成功,「你只會活一次。我唔想將來後悔我無去追求呢個夢。」雖然呢套飛行衣日後可以應用喺拯救行動、軍事行動等,有無限可能,但目前最緊要好玩咁話。

 

套飛行衣係咪好正呢? 發明套飛行衣係咪好型呢? Richard係咪都型型地呢? 更加屈機嘅係, Richard嘅爸爸係一個發明家兼飛行工程師、阿爺係民航機師兼戰鬥機機師、外公係直升機生產商,而佢自己就係皇家海軍服預備役。你話公平咩?

 

動漫節開鑼!最有愛 Cosplay 做型!

動漫展開鑼嘞!年度動漫界盛事,唔少Coser都用心打扮成鍾意嘅角色出席,但講到有愛嚟講,呢個扮演Japan World Cup中的一匹ハリボテエレジー真係無得輸!兩位仁兄,辛苦了!

 

今年是第20屆香港動漫電玩節,今年首次實行實名制,500位登記嘅動漫迷由左至右、上至下順序挑列,上晝10點經容貌識別、再核對埋資料就可以入場嘞!

 

除咗動漫節,第2屆「兒童玩樂節」亦同期舉行,拎著動漫節門票者就可以免費進入埋兒童玩樂節,嗰邊展區設有遊戲攤檔、VR睇電影、吹氣跳彈床、卡通人物影相等。

 

香港動漫電玩節

日期: 2018年7月27日至31日

時間: 27/7 – 30/7 10:00 – 21:00

31/7 10:00 – 20:00

地點: 香港會議展覽中心

網址:www.ani-com.hk

 

圖: HKDoujin 香港同人

【港姐外景大縮水 留港拍攝去邊好?】

 

 

大台因為big big channel 同 big big shop蝕到扒喺度,所以今年港姐外景出國呢一part都cut budget,改為去西貢拍攝。唔好誤會,唔係越南個西貢,係香港西貢。

 

TVB搞港姐 show 已經45年,以往唔單只有靚人睇,出國拍嘅外景亦係一大重點,以前曾經去過巴黎、莫斯科、雅典、馬爾代夫、佛羅倫斯、倫敦、蘇黎世、澳洲黃金海岸等,cheap cheap 地,北京、布吉都有一個,今年搞到本土化,大家又支唔支持呢?

 

其實香港都好靚,好多有香港特色嘅地方都唔錯架,不如大家俾啲建議丫。去深水埗拍返輯貼地嘅深水埗日與夜? 情陷夜中環? 定係去大嶼山洗滌心靈?

 

#歡迎留言

頁面