最新圏生活

【TVB藝人余德丞踢波入院昏迷 Big Big Channel直播網民鬧爆】

現年28歲無線新一代小男神余德丞(Dickson)尋晚喺中山紀念公園球場踢波時身體不適,休息期間突然昏迷,即時由朋友報警,送到瑪麗醫院搶救,目前仍然喺ICU留醫,有傳佢已經醒返,但情況仍然危殆。Dickson嘅情況大家都好擔心,不少TVB藝人都去到醫院了解情況。TVB Big Big channel更直播醫院嘅情況,好多網友都留言鬧爆!

 

Dickson曾經係香港游泳代表隊成員,熱愛運動;最初主持兒童節目Think Big 天地,舊年憑劇集《誇世代》中「尚浩洋」一角備受肯定,最近同蔡思貝主持旅遊節目人氣急升。對於Big Big Channel 咁都做直播,網友一面倒大鬧TVB,「人地都係深切治療喇。。。俾人地家人休息下喇。。家人都已經好擔心仲去搞人。。」、「阻住醫院運作」、「冇那野牙」。

 

唉,Dickson都仲未脫離危險期,希望佢吉人自有天相啦!

 

截圖: TVB@YouTube

【九巴再奪「最佳公共交通機構」    你覺得邊間最好?】

 

雖然過去一年九巴發生剷上行人路撞死3名途人 (2017年9月22日)、大埔公路翻側19死嚴重車禍(2018年2月10日)、車長擺工等事件,但仍然無動搖九巴嘅地位,喺香港大學民意研究計劃嘅最新調查中,取得最佳公共交通機構評分,已經係連續4次登上榜首,緊隨其後嘅係城巴、港鐵。

 

其實喺香港真係好難揀,意外、延誤、脫班 ……

 

你又會點揀?

【傅穎繼續大變身                你覺得有無唔同?】

00後唔識佢好正常,80、90後都唔認得佢? 佢係前女團Cookies成員之一 嘅傅穎Theresa。

 

Theresa以前組合嘅姊妹Stephy 同細5歲嘅王子打得火熱,Kary就已經做埋媽咪,睇返現年33歲嘅Theresa近年主力喺內地發展,無見一排,最近喺IG發放嘅片段見到Theresa又唔同咗。有網友就話「個鼻。。。太假 咩事。。。。」、「「一直覺得Theresa好靚,女神級別,但是最近只留意到鼻孔了,點解最近鼻孔一直要搶戲。。。」

 

其實Theresa 近年努力工作,不斷革新啫,大家又覺唔覺得佢有咩唔同咗呢?

【新Cut線大法    唔打燈舉中指        網民:「1823等你」】

 

時代真係唔同唒,而家揸車Cut線唔只唔打燈、唔舉手示意,唔通中指來了自然會有車會讓?

 

網友上戴一段片到Facebook群組,見到一架黑色私家車喺紅隧九龍過海方向,想cut過右邊時竟然唔係打燈、唔係遞手而係….連環大舉中指,仲要讓俾佢之後都仲繼續「揸緊中指」做人。網友就話「都讓左佢仲想點啦 有本事就cut左唔好要人讓」,亦有佢估計車主可能對對社會有好多不滿,又或本身係殘疾人士,右手只有中指,所以遞手變舉中指。另外亦有網友建議樓主報警,「有片報警告得,上次上交通法庭,在我之前審的全是這類,全部扣牌停牌,罰好重!」

截圖: 巴打絲打Facebook Club

【巨無霸誕生50周年麥當勞推限量MacCoin】

為慶祝巨無霸推出50周年,麥當勞將會喺8月2日喺全球50幾個國家發行限量版貨幣 MacCoin,拎著 MacCoin可以換取免費巨無霸。不過,香港就無得換呀,嗚~~

 

麥當勞一共會發行超過620萬枚 MacCoin,客人喺當日買一個巨無霸就有一個MacCoin。MacCoin正面印有巨無霸50周年紀念字樣,背面就有5款不同設計,代表過去10年嘅潮流演變。

 

事實上巨無霸唔單只慰藉無數空虛嘅肚,更加係一個經濟指標。1986年,雜誌《經濟學人》首次使用「巨無霸指數」(Big Mac Index),即係比較巨無霸喺不同國家嘅價格,從而評估不同貨幣嘅價值,足以見到巨無霸,又點只係個包咁簡單。

【郵輪靠近捿息地 北極熊襲護衞員慘被搶殺】

有一日,有幾個陌生人突然闖入「你」屋企,見到你「竟然」喺度,佢哋嘗試趕走你,你好驚,但仍然力敵。你嘗試還擊,結果被槍殺。

 

「你」,係一隻北極熊。

 

德國觀光郵輪原定喺挪威同北極之間嘅斯瓦爾巴群島(Spitsbergen)登陸,登陸前先派出4個護衞員視察,確保觀光範圍無北極熊。點知佢地真係見到一隻北極熊,並指當時隻熊襲擊其中一人,佢地嘗試驅趕但唔成功,最後開槍將隻熊擊斃。

 

因為人類,北極熊被捕獵;

因為人類,北極熊嘅棲息地愈來愈細;

因為人類,北極熊嘅食物亦愈來愈少;

因為人類,北極熊變成瀕危保護動物;

因為人類去到北極範圍見到北極熊,而呢隻北極熊保衞領土,所以遭到槍殺。

 

呢件事到底有幾荒謬?

【阿余返嚟嘞】清朝宮庭劇《延禧攻略》開播 余詩曼歷年演出你最鍾意邊個?

《延禧攻略》8月6日喺無線播出,闊別13年,大家又可以睇到余詩曼演嘅清朝宮庭劇嘞!

 

呢套內地拍嘅古裝宮庭劇踼走原定會播嘅《獨孤天下》,放喺8點半黃金時段,仲會一直播到11月台慶,除咗因為套劇喺內地收視好,喺愛奇藝上架短短一周,播放總量已達5億,相信更大原因係阿余呢位TVB親生女多年嚟都係收視保證。

 

阿余喺《延禧攻略》入面飾演「嫻妃」,雖然深得皇太后歡心,勸乾隆將佢立為繼皇后,但乾隆對佢就非常冷淡。為咗得到皇上到嘅心、保著皇后之位,嫻妃不擇手段,變成奸險黑魔后,最後為皇上厭惡,被廢除皇后之位,更被打入冷官至死。

 

闊別13年,今次嘅「嫻妃」同《金枝欲孽》入面「爾淳」嗰種一臉無辜、單純被利用嘅少女完全唔同,仲奸到出汁,大家都好期待見到阿余嘅另一面。

 

阿余不嬲都係TVB嘅收視保證丫,歷嚟邊套劇令你最懷念呢?

【哈韓族注意!】韓國仁川機場免費幫你送行李到酒店

 

嚟緊會去首爾旅行注意嘞!仁川機場推出專係俾中港澳台旅客嘅免費運送行李服務,只須先喺官網登記,出境或入境都可以運送一件不限尺寸嘅行李到150間首爾巿嘅酒店、首爾站或弘大站,優惠至今年年底!方便大家瘋狂購物!

 

入境:

1. 先到官網登記

2. 將行李寄存於機場 (截止時間為每日下午3點)

3. 晚上7點後到酒店領取

出境:

1. 先到官網登記

2. 將行李寄存於酒店 (截止時間為每日早上9點)

3. 下午2時後到機場領取

 

查詢或登記: http://fangsong.xinger.kr/

【《小王子》作者逝世74週年 感人金句喚醒無數初心】

「真正重要的東西,只用眼睛是看不見的。」 - 小王子

 

膾炙人口圖書《小王子》1943年面世,被翻譯成250多種語言,全球已經售出2億多冊,是全球最暢銷圖書之一。作者Antoine de Saint-Exupéry本身是一位戰機飛行員, 1944年的今日 (7月31日) ,由他駕駛的戰機相信被搫落失蹤,享年44歲。

 

「所有的大人都曾經是個孩子,雖然很少人記得這一點。」,你心中的小孩子成長了嗎? 小王子教曉我們的事,你還記得嗎?

 

  • 一個人只有用心去看,才能看到真實,因為最重要的東西只用眼睛去看是看不見的。
  • 如果你要馴服一個人,就要冒着掉眼淚的危險。
  • 你在你的玫瑰花身上耗費的時間,使得你的玫瑰花變得如此重要。
  • 所有的大人都曾經是小孩,雖然,只有少數的人記得。
  • 在人群裏也可以是很寂寞的。
  • 馴養我吧。 我不過是成千上萬隻狐狸裡的其中一隻,跟別的沒什麼不同。 你要是馴養了我,在這個世界上我就是獨一無二的狐狸。
  • 也許世界上也有五千朵和你一模一樣的花,但只有你是我獨一無二的玫瑰。

頁面