最新圏生活

Looop-x-on菇男-母親節banner768x90.jpg

【保護瀕危動物】黑熊BB被製成標本 腳掌被植入鋼釘

慎入!深圳海關近日係羅湖口岸檢查一名攞住黑色尼龍大行李袋嘅70歲老伯時,係X光機發現行李袋中裝住疑似熊嘅物體,當海關打開行李,驚現隻黑熊BB標本。

呢隻黑熊BB長70厘米,高30厘米,體重約4公斤,牠的背部毛皮是深棕色,頭部與胸腹部顔色稍淺,胸口處有一道淡黃色「V」型紋路。黑熊BB四肢著地、呈俯身爬行狀,外觀形態完整,但耳部有殘缺,胸口到腹部有一條長長嘅縫線,而4個腳掌都被植入鋼釘,黑熊BB很可能係「活生生」地被整成標本。檢驗檢疫部門初步判斷,它屬於瀕危野生動物嘅黑熊。

根據國際公約,黑熊無相關許可證,係禁止攜帶或郵寄出入境嘅。該名伯伯話佢自己係幫人帶貨過關以賺取報酬,佢而家都好後悔。案件已被海關立案處理。

圖片:看看新聞截圖

【都巿傳言】淘氣蠟筆小新 傳說5歲已經死亡?

講嘢天真得嚟又帶點人細鬼大嘅《蠟筆小新》,陪伴唔少人成長。同好多膾炙人口嘅卡通一樣,喺日本亦流傳著《蠟筆小新》嘅暗黑版本。據講小新係一個5歲小孩,因為救妹妹而交通意外不幸離世。媽媽美冴喺小新過身後極度悲痛,每日望著小新生前嘅珍藏蠟筆同圖畫,一邊諗如果小生仲在生係點,後來更因為精神失常而入院。

 

有一日爸爸廣志喺房間見到一本蠟筆畫嘅繪本,名為「蠟筆小新」,裡面講嘅就係一個5歲小朋友日常生活淘氣搗蛋嘅事。原來美冴一直用小新遺留落嚟嘅蠟筆畫畫,用呢種方式想像小新仍然在生,繪本上還寫上「如果還活著的話,會這麼快樂吧。」

 

嗚呀~~~~~~ 我以後唔再睇小新嘞!不過又咁,亦有人話呢件事都係虛構,話美冴呢個角色靈感來源係作者臼井儀人嘅太太,而小新條好粗嘅眉毛正正就係同佢本人相反。

【教你如何搶FO】美國男子求婚 阿囝喺隔離除褲Wee Wee

求婚一刻往往令人畢生難忘,就算過程有啲蝦碌...美國33歲男子Kevin Przytula一家最近去咗密歇根州貝城,嚟到當地著名嘅噴泉景點前向27歲嘅女友Allyssa Anter下跪求婚,仲夾好咗由阿囡Kayleigh拍低呢一個溫馨時刻,3歲嘅囝囝Owen就一直喺旁邊見證。Allyssa被突如其來嘅求婚嚇一跳,亦都好感動咁點頭答應,點知一直喺旁邊嘅Owen突然喺噴泉旁邊除褲Wee Wee,不過一對求婚嘅主角渾然不知,只有掌鏡嘅Kayleigh一路拎住鏡頭大笑。佢哋將求婚過程上傳去facebook,網民話Owen嘅舉動完全搶Fo,Allyssa話佢哋一直好努力教Owen要去廁所Wee Wee,不過明顯仲要繼續努力啦。

原圖:Kevin Przytula
 

【香港精神】乘客$1000當$100畀錢 的哥親手還錢:下次小心啲

一個人嘅職業同係咪好人係完全無關!近年好多時都發生乘客同的士司機爭執事件,唔少人都話搭的士會被不禮貌對待,不過其實香港仲有好多好心嘅的士司機。小提琴老師Angel Hsu喺星期三(16/5)由西環搭的士趕去Rehearsal,因為時間趕急唔小心將1000蚊當100蚊咁畀錢就落咗車,的士司機發現佢畀錯錢之後一直搵人,想還返1000蚊畀佢!當時Angel仲同司機擦身而過:「他上去過rehearsal place,出電梯時和我擦身而過(我正要進lift), 他問我白色琴盒是我嗎?我說不是...他自言自語"-千蚊邊個ga..."」,事後Angel先發現唔見錢,返去嘅時候發現原來的士司機一直喺上車地點等佢,想還返$1000畀佢,Angel喺FACEBOOK留言話:「我叫他留下那1000蚊,他港聲港氣的"妳老老實實俾番我果100蚊,俾埋轉紅隧,下次小心啲...."」令Angel都感嘆:「香港精神尚存!」
 
原圖:Angel Hsu FACEBOOK
 

【fashion嘅嘢...】泰網紅整食物裙 仿明星紅地毯造型

每年嘅康城電影節,不單只係電影界嘅盛事,仲係巨星大晒冷嘅日子。當大家係度熱烈地討論緊范冰冰行紅地毯嘅造型果陣,泰國網紅Benjaphorn就發揮創意,用生菜還原范爺行紅地氈條裙。

睇返佢係社交平台上載嘅相片,佢仲用榴槤披上身,仲有米粉裙,真係隔住個mon都聞到味啊!不過佢又真係整得幾似,網民都大讚佢創意十足,真係不得不服!

圖片:IG@framsook_lek_lek

【光影下的遊樂園】約埋FD子去中環海濱玩氹氹轉

你有幾耐無去過屋企樓下個遊樂場?有幾耐無玩過氹氹轉、蹺蹺板、韆鞦?由今日(18/5)起至20號,去中環海濱活動空間參加首個以燈光效果為主題嘅露天樂園《光影遊樂園》啦!場內除咗有七彩燈光結合各種遊樂場設施,仲有互動藝術展、燈光風車園、手作工作坊同免費DJ派對,玩得又影得,仲唔約埋一班FD子去玩?

《光影遊樂園》
日期:5月18日至20 日
時間:3pm – 10pm
地點:中環龍和道9號中環海濱活動空間(入口近添馬公園、政府總部)
免費入場
註:5月18日 6pm -10pm舉辦戶外音樂派對,派對特別用太陽能及動能(踏單車),為音響系統發電
詳請: @illuminate光影遊樂園

【全球矚目】英皇室大婚          典雅婚紗必睇!

哈里王子同Meghan Markle大婚明天(5月19日)舉行,皇室婚禮其中一個大看點當然就係新娘子Meghan會著咩婚紗啦!英國博彩公司更加開咗賭盤添。有傳聞話Meghan同凱特一樣,行禮一件婚紗,到派對時就換另一套較方便嘅婚紗,大家到時又多樣嘢睇嘞。

 

Meghan到底著咩婚紗明天先揭曉,歷來幾次皇室婚禮邊件婚紗最吸晴呢?

 

圖: 網絡

【自己攞嚟衰】投訴客服反被查出爆粗鬧人      客人被HKT解約兼要還機

 

拿拿拿,真係唔好以為自己係顧客就永遠是對的。有網民投訴香港電訊HKT旗下嘅1010嘅客服服務不周,仲連環投訴,投到上去集團主席度。結果呢?  人哋聽返唒啲電話內容,原來係佢對CS爆粗、無禮貌,HKT嘅Chief Legal Counsel於是出信俾佢cut佢約,仲叫佢好還返4部手機如果唔係要賠約。網友都大讚CLS有質素!

 

事情是咁的,個投訴人話15/5打電話到1010尊貴客戶服務熱線,但服務員需要佢嘅電話碼、「等system資料」先可以俾佢講,hold咗佢條線兩三分鐘。咁呀投訴人就好不滿,連番向集團主席Alex Arena投訴。CSL高度重視事件,交俾法律部全力調查,兩日就覆返投訴人。法律部發出嘅email指,公司對員工嘅重視同對客人嘅一樣,佢哋聽返唒啲錄音、check過email,發現投訴人嘅行為不合理,特別係講粗口,語氣態度帶挑釁、對抗,所以決定終止佢合約,兼且要還返4部手機,乖乖地還機就免佢賠約。

 

事主將法律部嘅電郵post到社交媒體分享,話「一間本地最大的電訊公司竟容不下一名小小的客戶,並且以不合理的準則判決客戶的不是而不是回顧自己有什麼做得不足夠,本人會保留法律權利並追突所有損失」。

 

【大洋蔥】前世情人出嫁          爸爸叮囑女婿: :不愛她了跟我說,我帶她回家

女兒結婚了,要同另一半組織自己嘅家庭,但父母家嘅大門,永遠常開。最近有位台灣網友將家姐結婚當日爸爸嘅一段說話放到網上分享,爸爸對女婿講:「如果有一天你不愛她了,不要跟她說,跟我說,我帶她回家!」呢番話唔只令爸爸同新娘子喊,好多網友睇完都眼濕濕。

 

片段見到一對新人跪喺爸爸面前,爸爸小心翼翼拎出紙仔,邊擦眼淚邊讀出對女婿嘅話:「第一個抱她的人,是我不是你;第一個親她的人,是我不是你;第一個愛護她的人,是我不是你;可是呢,我希望陪伴她一生的人是你,不過若有一天你不愛她了,你不要跟她說跟我說,我會帶她回來....」之後一對新人向爸爸敬禮。鏡頭見唔到新娘個樣,只見佢都不斷抹眼淚,相信都已經哭成淚人了。

 

上載片段嘅網友話,爸爸學歷不高,好少寫字,甚至會唔記得點,但家姐結婚嘅大日子,爸爸竟然寫定紙仔,「這是今天以來,最讓人感動,感心也才知道硬骨頭的爸爸,是多愛我們三個女兒,永遠的避風港,永遠的靠山...娘家」。每個女兒都係父母嘅寶貝,愛錫自己、珍惜你身邊嗰個人哋家嘅寶貝呀。

 

【罰多廿次都得】上堂偷畫Peppa Pig被罰畫50隻        學生爽快畫無重複:畫多1個送嘅

相信好多人或多或少都被老師罰抄過,抄全名、抄校規、抄課文...都係痛不欲生嘅回憶,不過如果將罰抄內容換一下可能會好啲。內地有位老師近日發現有學生上堂偷畫Peppa Pig,一怒之下罰佢放學要畫50隻交畀佢,點知小朋友高高興興咁完成50隻,每隻Peppa Pig都型態各異、絕無重複,仲好大方畫多一隻畀老師,睇到都唔知好嬲定好笑。
 
老師將學生嘅作品上載咗微博,每隻公仔身上都有編號,最後一隻嘅身上仲寫住係「贈品」,唔少網民都大讚小朋友嘅畫工,睇嚟小朋友大個咗應該係一位畫家啦!
 
原圖:Learn with Peppa Pig, 可樂大叔微博
 

頁面