最新圏生活

【飲食星期五】你條蛋散…呢條蛋散好嘢!

每次去飲茶,總會見到幾條蛋散!放心,唔係鬧緊邊個人,講緊小編飲茶總會嗌返碟蛋散姐!

蛋散又香甜又鬆脆,入口即化,非常美味。而且價錢相宜,喺茶樓中多數都係中點、小點,所以好受大家歡迎。除咗平時會食,過年過節時都唔少得,係年貨油器之一。有啲家庭甚至會開爐自己炸蛋散、油角,一來取個紅火興旺之意,亦貪佢哋金黃色望落都好意頭。相傳,呢種平民小食就係因為以前嘅窮等人家無錢買肉過年,雖然得麵糰無肉餡,但將麵糰溝埋雞蛋再落鑊炸,又出奇地好味,於是就流傳開去啦。

呢個說法係咪真已經不可考,不過蛋散雖然好味,但佢一掂就散嘅特性,就好似啲經唔起考驗、一遇挫敗就頹晒嘅人咁,所以「蛋散」一詞後來亦演變成一個鬧人嘅詞彙啦…… (蛋散表示:冤枉啊法官大人)

【好靚啊!】為奧運參賽國設計獨特和服 弘揚日本傳統文化

當一眾女生去日本旅行時,總要穿上和服留倩影,就知道和服魅力沒法擋!華彩的圖案、獨特的剪裁,和服在外國人心目中已宛如日本傳統文化的象徵。

為迎接2020年日本東京奧運,和服設計師高倉慶応便推行了一個有趣又有意義的計劃 “Imagine Oneworld Kimono Project”,希望在東京奧運開幕前,為196個參賽國家創作出美麗又獨特的和服!

既然是為各國度身設計,當然要突顯不同國家的文化與特色。高倉於設計中融入了各國代表性的顏色及圖案,例如秘魯的和服有世界遺產馬丘比丘的圖樣、埃及的有金字塔和古文字、印度的和服則印有大象、蓮花、孔雀、泰姬陵等。這些圖案用在傳統和服上毫不突兀,整體效果依舊具備和服的古典韻味。兩者的完美結合,除了向世界彰顯日本傳統之美外,亦希望表現出日本包容不同文化、與世界共融的親善一面。

這項計劃目前仍在進行,暫時已完成55套和服了!真期待196套和服齊集亮相的一刻呢!

【時裝嘅嘢…】西裝潛水衣 chok住去海灘!

嚟到夏天,沙灘上湧現一眾肌肉型男!六嚿腹肌雖然養眼,但小編就鍾情著西裝嘅靚仔多啲!微鬆嘅領口、修身嘅剪裁,英氣挺拔之餘又低調地流露出男人嘅性感……嗚呀~~小編不行了!

宜家除咗喺寫字樓,喺沙灘都可以見到西裝友啦!因為美國時裝設計師 Thom Browne 設計咗一款名為 “Trompe L’oeil” 嘅西裝 cutting 潛水衣!雖然質地係氯丁橡膠,但因為有齊details 位,例如有領呔、袋巾,袖口位仲非常講究地突少少白裇衫出嚟,遠睇真係同真西裝無乜分別!而且夠哂貼身有彈性,掩蓋唔到潛水衣下嘅爆肌感!

不過要與別不同,都要俾返少少代價嘅。想買返套 chok 住落水嘅話,盛惠3,900美金!大約3萬港紙!值唔值就你自己諗啦……

【最老大學生】泰國91歲婆婆大學畢業 終圓兒時夢想

正所謂「活到老,學到老」,講緊嘅係泰國一位91歲婆婆,佢近日大學畢業,成功取得人類生態學學士學位,完成咗自己從小到大的夢想。

「如果我們不學習,不閱讀,就不能與別人溝通和思考。」婆婆金庫爾( Kimlun Jinakul )說道。婆婆年輕時曾是班上最聰明的學生之一,後來因家境貧困被迫輟學。繼續讀書是金婆婆一直以來的夢想,於是她在72歲時開始上大學,然而婆婆其中一名女兒過世,使她停學了一段時間,在85歲時才重返大學。金婆婆指:「當時我受到很大打擊,但我告訴自己,如果能夠大學畢業,女兒在天之靈也會很高興。」

6年過去,金婆婆終於大學畢業,雖然過程中唔少科目都「肥佬」,但婆婆會重考幾次,直到通過為止。婆婆話:「我頭腦仍很清醒,思考很清楚,讀書永不嫌晚。」

【好人好事】4歲童化身「蜜峰大使」 創蜂蜜檸檬水拯救蜜蜂

平時見到蜜蜂走都走唔切,仲點會諗到蜜蜂正面臨瀕臨絕種嘅問題?美國一位小女孩就克服咗畀蜜蜂針過嘅恐懼,深入了解蜜蜂對生態環境的貢獻,仲想出辦法拯救消失中的蜜蜂。

愛因斯坦說過:「如果蜜蜂從地球表面上消失,人類也活不過四年。」當時只有4歲的 Mikaila Ulmer ,雖然曾經在一個星期內被兩隻蜜蜂螫傷,從此對蜜蜂心存恐懼,但媽媽的引導下,慢慢理解到氣候變化、環境污染及過度使用化學農藥等都對蜜蜂的生存機率造成嚴重威脅。此時保護蜜蜂心切的 Mikaila 剛好收到曾祖母的家傳亞麻籽檸檬水配方,她便想到用蜂蜜取代糖,並創立了品牌「蜜蜂與我」,出售自製的蜂蜜檸檬水,藉此鼓勵大眾支持養蜂人,更重視對蜜蜂的保育。

隨著蜂蜜檸檬水越來越受歡迎, Mikaila 將部份獲利捐給蜜蜂保育團體,同時更多民眾開始正視環境議題,紛紛購買檸檬水支持 Mikaila 。如今 Mikaila 已經12歲,但仍保持著當初想讓世界變得更美好的想法,從未停止過對蜜蜂保育的捐助。

【母愛無界限】刺蝟寶寶孤苦無依 幸有黑貓當養母好幸福!

片段中的8隻刺蝟寶寶,很不幸地出生不久便因母親意外身亡而成為孤兒。
因為牠們太幼小,所以不懂得亦不習慣用奶瓶進食,脆弱的生命正受到威脅。
幸好俄羅斯的Sadgorod動物園靈機一觸,為牠們找來一隻黑貓當「奶媽」!
這隻黑貓母愛泛濫,對著這8隻「非我族類」的小寶寶,不僅沒有抗拒,反而側躺下來,讓小刺蝟們喝奶,畫面非常溫馨!

類似的同品種或跨物種收養行為並不罕見,如母海豚收養小海豚、猩猩收養小狗,甚至獅子收養羚羊,都確曾發生過。雖然科學界尚未能為此現象,給予一個確切的解釋,但萬物有靈,你又是否願意相信動物也有情感、也有惻隱之心呢?

影片傳送門:

https://www.facebook.com/Radioonelebanon/videos/1419294268179675/?fref=ts

【邊個夠我型!】狗狗衝浪比賽 牧羊狗女奪雙料冠軍!

狗仔淨係識得游狗仔式?你實在太睇小佢哋啦!連滑浪呢啲咁高難度嘅運動,都難唔到一眾聰明伶俐嘅狗狗啊!

美國加州嘅海灘,最近上演咗一場別開生面嘅狗狗滑浪比賽 “World Dog Surfing Championships” !嚟自加州各地嘅「選手」,按重量、體格大小,分成大型犬、中型犬和小型犬三個級別,既可以單獨滑浪,亦可以同主人組隊參賽!
呢班運動健兒喺滑浪板上非常淡定,展現超凡嘅平衡力!加上部分狗狗經主人悉心打扮,戴晒黑超咁出戰,真係型到喊!岸邊嘅觀眾都睇得好開心!

經過一輪混戰,澳洲牧羊犬 Abbie 唔單止勝出中型犬級別賽事,仲以20呎衝浪距離嬴得全場總冠軍添!佢主人就話,Abbie 其實好有天份,領養返嚟之後,久唔久都會帶佢去沙灘玩。有次純粹放佢上滑浪板俾佢休息下,點知佢企咗起身,索性連狗帶板放落水,佢仲順勢滑埋浪添!真係俾個「叻」你啦!

【環保藝術】郵政推出珍稀植物郵票 望大眾關注環境保育

香港雖然地方細細,但原來都有唔少稀有植物。為提高大眾保護珍稀植物嘅意識,並愛護呢啲植物生長嘅自然環境,香港郵政就以「香港珍稀植物」為題,於8月17日(周四)發售一套四款嘅特別郵票及相關郵品。你又知唔知今次郵票包括邊幾種稀有植物呢?

郵票以四種植物的外形為設計,植物分別為細花冬青(1.7元)、二色石豆蘭(2.9元)、香港秋海棠(3.7元)及大嶼八角(5元)。為了配合主題,郵票及郵票小全張均以獲森林管理委員會認證的紙張印製,保證紙張原材料及生產過程符合環保及不破壞環境的原則。

其實香港植物品種繁多,當中更有過百種稀有植物,為咗保護呢啲植物,行山或者去郊野公園時記得唔好留低垃圾,有時見到垃圾仲可以幫手執咗佢,令植物得以喺健康嘅士壤成長。

【環保藝術】西班牙塑膠迷宮 臭膠味讓公眾反思每日有幾膠

日常生活中,幾乎所有產品都有塑膠包裝。近日西班牙首都馬德里嘅主廣場中央出現咗一座迷宮,細心一睇,原來呢座迷宮由一袋袋裝著膠樽的膠袋建造而成,希望引起大家反思。

西班牙藝術團體 Luzinterruptus 從不同大學、醫院及機構收集了15,000個膠樽,創造出一座全長170米、高3米的長方型迷宮。這座迷宮路徑複雜兼非常狹窄,希望營造一種被塑膠包圍的不適感,加上馬德里逼近40度的高溫,難聞的塑膠氣味,相信能夠令大眾體驗塑膠污染為地球帶來的壓迫感。

【飲食星期五】牛氣沖天 牛雜串牛雜河任你揀

【飲食星期五】牛氣沖天 牛雜串牛雜河任你揀

 

知道牛雜嘅部位係咩後,你又知唔知邊度嘅牛雜好食啲呢?以下三間小店嘅牛雜,無論係作為街頭小食,定係湯麵配菜都一樣咁吸引!

 

廟街牛雜

雖然廟街牛雜晚上才開店,但每天都會大排長龍,只因店舖牛雜滋味又便宜。每串牛雜的牛內臟梅花間竹的隔著,每件款式不會重覆,讓食客能嘗到牛雜不同口感和味道。配上甜醬、芥末及辣椒醬後的牛雜更加美味。

地址:油麻地鴉打街18號

 

水記

有六十年歷史的水記,以新鮮牛雜和牛腩聞名。所售賣的牛雜鮮甜軟熟,而且湯底夠濃,令簡單一碗粉麵生色不少。店舖另一名物是牛脆骨(牛的氣管)和牛沙瓜(皺胃),這兩個牛的部位在其他牛雜店較為少見,因此有不少食客慕名而來。

地址:中環吉士笠街2號牌檔

 

嵩記牛什

自稱「牛雜大王」的嵩記,二十多年來以價錢親民的牛雜河吸引不少街坊光顧。一碗小小的河粉配上軟滑的牛筋及爽口彈牙的牛肚等牛雜部位,而且牛雜的滷水味香濃,每吃一口都能品嚐到牛的鮮味。

地址:深水埗大埔道142號

 

#飲食圈 #牛雜 #廟街牛雜 #水記 #嵩記牛什

頁面