【男神在身邊】入到試場發現易烊千壐坐前面

情境題:當你好緊張咁進入考場,然後發現男神坐你前面考試,你會點?內地上星期啱啱完成咗高考考試,人氣組合TF Boys成員易烊千壐亦係今屆考生,為咗準備考試,佢一早停工閉關修煉,睇返佢閉關期間嘅instagram,佢似乎努力到連鬚都無時間剃喎。不過考完試佢都即刻上instagram甫返個靚仔樣。最近有網友就喺微博爆料,話朋友入到試場驚喜發現自己就坐喺男神後面,仲同男神打咗聲招呼:「壐哥!」,對方就點頭回應!雖然互動簡短但係足以羨慕死一眾追星族,有人話如果撞到男神嘅係自己,咁可能要重讀一年啦(因為已經唔可以專心考試)。如果撞到自己嘅男/女神,你又會點呢?
 
原圖:易烊千壐instagram