【樑上有雙燕】愛心老闆自製「護燕遮」

「樑上有雙燕,翩翩雄與雌。銜泥兩椽間,一巢生四兒...」屋簷下有燕子築巢係以前真係好正常,仲畀人認為係好兆頭,但係而家香港高樓大廈林立,真係好難再見到呢個景象,就算有都仲要驚被人投訴唔衞生,分分鐘被人剷落嚟。台北嘅一家六口燕子就好好彩,遇到一位愛心店主,為佢哋遮風擋雨。

有網民上載咗兩張暖心相係FB群組「路上觀察學院」,見到台北一間漫畫店出面嘅騎樓下面有個燕巢,住咗一家六口,店主為咗保護燕巢同燕子,於是整咗把「愛心遮」,打開倒吊係燕巢下面,店主稱佢為「燕子防跌保護傘」。

有網民留言話「我訪問老闆說每天會洗雨傘洗兩遍,不然還是會臭臭的」。網民都讃店主「神招 太厲害惹RRR」、「用雨傘很聰明耶,保護周全,要清的話,用水沖洗應該也很好清。」

圖片:路上觀察學院fb