最新圏生活

Looop母親節公佈結果banner.jpg

【衝擊世界眼球】李寧進軍巴黎時裝周 帶領中國時尚推上顛峰

法國巴黎時裝周係世界時尚界嘅年度大事,雲集世界頂尖時裝品牌發表最新時裝系列。中國最強時裝品牌李寧品牌亦喺巴黎時裝周上發表明年春夏系列,成為時裝周嘅一大焦點。

李寧 2019 SS 系列以「中國李寧」為主題,作品設計用現代視角演繹90年代嘅潮流經典,以中國書法字體配合運動體操元素,復古得嚟又大膽,喺各個細節更加不遺餘力向李寧嘅運動員傳奇致敬。

時裝潮流嘅嘢要用心去感受,唔講咁多,自己睇相啦。

【Boyz開演唱會           邊首歌必唱?】

張敬軒一連6場《HINSIDEOUT張敬軒演唱會》結束,演唱會上請嚟密友「小斌女」關智斌同拍擋張致恆,合唱一曲《死性不改》,真係咩回憶都返唒嚟!軒仔更爆響口話Boyz好快會有音樂會!係咪真架??

 

若果Boyz 開演唱會,有邊首係一定要唱架呢?

【我願意做你嘅化妝師】愛爾蘭伯伯為老婆學化妝

浪漫唔只係一束玫瑰,而係真誠愛護伴侶嘅心。83歲愛爾蘭婆婆Mona Monahan同好多女士一樣貪靚,但因為年紀大視力退化,仲有失明之虞,於是佢嘅丈夫,84歲嘅Des Monahan就去咗學化妝,希望就算妻子之後失明,依然有佢幫佢上粉底,畫眼線,繼續做幸福靚太。

Des話要學化妝並唔係講講下,佢哋自去年10月開始就去預約化妝班,經過8個月嘅學習,Des而家拎起化妝掃已經非常有自信,畫眼線、打陰影對佢嚟講完全無難度,直頭可以自己出嚟教班添啊!佢哋嘅化妝導師仲話,完全睇得出Des對Mona嘅無微不至。

來源:dailymail.co.uk

【濕疹少女自揭瘡疤     盼與患者同行】

//好勇敢!多謝你無私分享!希望有更多人可以意識問題,早日尋求協助。//

濕疹喺香港非常普遍,日前一名患有濕疹少女涉嫌殺父母後自殺,引起社會極大回響。一名有相似病患經歷嘅美少女喺Facebook自揭瘡疤,分享自己皮膚情況最差時嘅相片,希望勉勵其他患者,亦希望大家對濕疹、類固醇上癮有多啲認識。

 

Facebook有一個「類固醇戒斷群組」,病友會互相分享同幫助,同時希望大家多關注呢個問題。分享相片嘅少女Cherrie係群組成員,佢直言近日嘅新聞令佢地都諗起「如果她知道很多戰友在一起走這條件艱鉅、但總有終點的路,會否結局就不一樣呢?」

 

Cherrie話平時會喺圈子內或者同朋友分享經驗,能夠幫到人令佢感到開心,「但如果我選擇用一個更張揚、更能廣為人知的方法的話,那個女孩會不會有機會看見我的分享呢?」不過要公開相片,的確需要好大勇氣,「把自己最差情況的照片公諸於眾,其實是有猶疑的,畢竟真的很難看,怕嚇到人。最差的時候一直躲在家裡,也沒有什麼朋友看過我這個樣子。不過也許就是要夠可怕,才能夠得到關注和迴響。」

 

【Free破爛梳化            環保定搵笨? 】

環保係美德,應該大力推,近年亦有不少平台俾大家交換舊物,有時甚至爛、壞嘅嘢都會有人拎出嚟。有網民喺Facebook 二手傢俬平台貼咗一張3人梳化嘅相,話Free俾網友,「無人要就掉」。相片所見,張梳化似乎甚有歷史,皮革有多條裂痕,中間好似坐到凹咗,網友都不禁驚嘆「古董嚟架喎」、「立體雕花好有創意」。有人批評,「自己掉啦,唔好攞著數想人幫你掉」,「你覺得仍然可用的話就繼續用吧」。

 

不過亦有人覺得,講明係交換舊物谷,樓主有相俾人睇又無厄人,點解唔得。「唔明點解咁多人駡樓主,唔通件件全新有著數才可攞出嚟送?無疑,這沙化頗為破爛,但這麼多人説三道四,有人想要也可能怕老土,唔敢要了,啱用就要,唔啱用又何必出聲呢?無人要,樓主就要自己處理,有誰有損失呢?」。

 

大家又點睇?

 

圖: oh yes it's free 無人駕駛自助傢俬徵送 @Fb

【飼養員食煙又洗頭】武漢大熊貓懷疑受虐營養不良

 圓咕碌、傻頭傻腦嘅大熊貓唔單只係國寶,仲人見人愛,車見車載。為一睹風采,動物園嘅熊貓館經常排隊都排唔切,不過最近有人發現有動物園竟然懷疑虐待熊貓!
 
懷疑受虐嘅係武漢動物園居住嘅大熊貓偉偉。今年13歲嘅偉偉08年由四川搬到湖北武漢動物園。最近有網民發現有大熊貓飼養員喺偉偉嘅居所內食煙同洗頭、餵偉偉食有螞蟻嘅蘋果,仲懷疑喺未經許可下帶遊客進入大熊貓居所餵大熊貓,另外仲有遊客喺籠舍外用棍子篤偉偉!

唔單只咁,網民亦發現偉偉嘅手掌、腳掌嚴重磨損、鼻頭全部變白等狀況,懷疑偉偉長期健康不良。其實早前已經有醫生診斷,偉偉居住場所狹小,野外活動不足,曬太陽時間較少,導致體內酪氨酸酶減少、局部色素合成不足,所以鼻頭變白。雖然園方承諾會起個新屋企俾熊貓,但就被指遲遲未動工。
 
動物園方面回應,已經將涉事飼養員停職,偉偉嘅新居所亦將於年底完工,希望可以改善偉偉因為活動不足、接觸陽光太少而導致色素合成不足嘅營養不良問題。
 

頁面