最新

【陪著你走】怕患癌妻子孤單 丈夫搬凳喺房外守候

不離不棄、患難與共,係用嚟形容呢一對美國夫妻。 John同Marci結婚18年,一直都公不離婆、秤不離砣。喺舊年10月,太太Marci被確診患上甲狀腺癌,需要立即接受治療,John亦一直喺Marci身邊陪佢同癌細胞打仗。最近Marci完成切除腫瘤手術後,仍要接受放射性碘治療以進一步殺死癌細胞。完成放射性碘治療後,Marci仲要接受為期5日嘅家居隔離,避免輻射影響身邊嘅人。

5日期間Marci一直喺自己房鎖門避免同家人接觸,而一直陪伴妻子左右嘅John因為怕Marci孤單,呢幾日都搵唔同方法陪老婆。John第一日會坐喺房後嘅後院陪Marci傾計,之後就索性搬枱搬凳喺Marci房門口,有時會辦公,有時傾偈,或者大聲朗讀文章,無時無刻都陪喺Marci身邊。

佢哋個女Mackenna就影低咗爸爸坐喺房門前同媽咪傾偈嘅相Post上網,網民都畀呢對情深嘅夫妻閃親,Mackenna亦都話「佢哋(父母)只要可以喺埋一齊,就乜都無所謂。」佢哋真正將「一生一世也不分」實現。

原圖:Twitter@mackenna_newman

【18個月大奇蹟男孩  海上漂流15米獲救生還】

湊小朋友真係一眼都唔可以睇漏!紐西蘭一個18個月大BB仔跟父母去海邊露營時爬出帳篷,被海上沖走,漂流50呎後好好彩,被漁夫及時發現救起,奇蹟生還!

 

個BB仔叫Malachi,佢爸爸媽不時都喺 Facebook上載一家人去露營嘅相片,溫馨愉快。佢地一家三口10底再去到一個海邊露營,相信Malachi喺清晨時份自己醒咗,整開帳篷拉鍊爬出營外再爬落海,最後被沖走,好彩個漁夫及時發現將佢救起。

 

漁夫Gus Hutt當時本來想檢查放咗喺海一個月嘅漁網,佢憶述「我見到海面有個公仔,將佢撈起時佢塊面好白,我一路都以為係個瓷公仔,到望真啲先發現原來係個人,仲有呼吸!」Guts隨即帶佢上岸到海灘嘅管理中心,中心職員跑去Malachi父母嘅營,大聲問「你地個BB呢?? 有人喺海邊撈起咗個BB!!」,個媽媽先驚覺BB唔見咗,大叫咗出嚟。媽媽話,當時個心好似停咗咁,好驚好驚。

 

幸好上天眷顧,Malachi應該浸親無幾耐已經被救起,亦已經無大礙嘞!佢爸爸媽媽亦都提醒其他家長,去露營記得要鎖好拉鍊,免生意外。

 

 

圖: Jessica Anne Whyte@Fb

 

【韓國狗狗也上學】

小朋友到咁上下年紀要返學,熟習團體生活、規秬等,喺韓國,就連狗都有幼稚園返!

而家啲寵物真係可以好幸福,有酒店、美容店、水療之外,韓國仲有汪星人幼稚園,返學嘅時候訓練員會矯正返狗仔一啲生活嘅壞習慣,同時都會俾狗仔放吓電、玩吓啲團體活動咁。去到晏晝時,仲會設有瞓晏覺時間添!平時非常活潑嘅狗仔排成一排排咁乖乖入睡,真係好得意!攪到小編都好想同佢地一齊瞓晏覺啊!

#教育圈 #學生圈 #生活圈 #狗狗幼稚園

【跪玻璃】大懵老公漏低懷孕老婆喺公路服務區

近排天氣仲未係好凍,好多人應該都會捉住秋天嘅尾巴出外玩下。但相信重慶呢對夫婦就冇晒玩嘅興致嘞,因為老公竟然唔記得車返懷孕嘅太太,搞到老婆要陀住個肚行幾公里路!

話說嗰一日,呢個老公揸車帶住有咗4個月身紀嘅太太出去玩,途中喺合川區嘅高速公路服務區停車去廁所。老公去完廁所就揸車走人,揸揸下發覺車廂有啲唔對路,原來太太都喺中途落咗車去廁所,仲未上返車佢就已經開車走咗!呢個時候老公收到老婆打嚟嘅電話,知道自己當時冇留意太太都有落車,結果漏低佢喺服務區,要借工作人員電話打俾丈夫。老公急到即刻將車停喺應急車道,落車沿住公路行咗大約3公里去服務區接太太,夫妻再原路返去架車嗰道,而當時己經係凌晨3點幾。

雖然老公接返個老婆,但就搞到太太粗身大勢行幾公里夜路,臉色差晒,而自己因為喺高速公路亂停車同擅自行走,受到警方處罰。

 

圖:上游新聞

#旅遊圈  #生活圈  #奇趣圈  #睇實老婆  #金翅GG鳥

【留返11.11先講】大專「一周情侶」配對幫同學光棍節前脫單

今日係11.11光棍節,喺屬於單身一族日子,不過單身狗們就未想呢個節日關自己事,出盡法寶希望喺光棍節前脫離單身行列。喺湖北襄陽有間大專就喺月初舉辦咗個「一周情侶」配對活動,活動吸引咗近300名學生參加。

活動成功配對60對組合,佢哋要喺一星期內完成多項情侶任務,包括行超市、影情侶相、送女方返宿舍等等,得分最高嘅情侶勝出。主辦今次活動嘅學生話希望滿足學生對愛情嘅渴望,而參加者事前都要簽合約,聲明男方唔可以強迫女方做唔願意嘅事。

有參加者表示會喺活動後繼續同配對對象互相了解。而網民就非常羨慕學校有呢類活動,好希望自己當年都有呢啲活動,咁而家就唔係一個人過光棍節啦...

【圈短片】【陳法拉教你、點樣做導演】現身首屆全球大學電影獎傳授經驗 陳法拉:唔好怕行彎路、唔係每個國家或地區都有香港政府咁樣資助、大學生要多睇新聞了解社會

//法拉話香港政府今年仲double咗預算支持新導演,機會難得呀!有電影夢嘅年輕人,聽完法拉一番說話是否都有新動力去試一試追夢呢?//

【語言藝術】加8蚊多隻「雞」 台食客「中伏」

 

出街食飯成日都會有啲優惠價追加小食或飲品,係台灣就有位食客中咗伏嘞!事源係果位食客去咗間餐廳嗌咗碗雞絲麵後,老闆就話加多30蚊(新台幣,約7.8台幣)就可以有多隻「雞」,食客聽到覺得好抵,即刻就追加埋,點知…碗麵連隻雞一齊上檯時,食客眼都突埋,原來老闆所講嘅「雞」係一塊以雞仔造型嘅魚蛋,食客即刻覺得俾人搵咗笨,仲將依個用餐經歷放咗上網添!

咁都得?咁$1食飽蔘翅肚不是夢喎 XD

#生活圈 #搵食圈 #8蚊雞 #中伏 #語言藝術

【漁民約定俗成 誤捕海龜要放生】

 

海龜係有靈性嘅動物,浙江舟山一帶嘅漁民相信,海龜會保佑漁民出海果陣平平安安,更加有漁民親眼見過海龜流眼淚,所以好多漁民都有個約定俗成嘅習慣,就係誤捕到海龜嘅時候,會先拜吓佢,然後放生。

原來圍網船設有燈光,吸引啲刺豚(河豚嘅親戚)游埋去,而海龜中意食刺豚,會跟埋游過去,結果好多時都會一齊被漁網撈咗上嚟。過去有唔少漁船都曾經誤捕過野生海龜,更有漁民喺東海捕獲一隻重500公斤嘅棱皮龜,棱皮龜係被列入2013年《世界自然保護聯盟》嘅瀕危動物之一,非常罕有。而漁民們都好識做,將誤捕嘅海龜放生。

隨住全球人口急速增長,人類對地球嘅污染越嚟越嚴重,好多動植物已經絕跡或者面臨絕種危機,除咗放生之外,大家都應該一齊努力,好好保護呢啲為數唔多嘅品種。

【真係好 happy】網友貼紙貼額 留下「開心」印記

如果見到有個人心情、外貌處於一個極端,例如係極度開心、極度樣衰,我哋會話「佢額頭鑿住開心兩隻字」、「佢額頭鑿住衰人兩隻字」等去形容。原來呢句說話唔係誇張,真係有人咁樣!台灣有女網友喺額頭貼上貼紙,摵落嚟後發現額頭竟然有個「HAPPY」曬痕!

網友最近參加咗個路跑活動,主辦單位向參加者派發「HAPPY」字眼貼紙。網友攞到貼紙就貼喺額頭,成個活動期間都貼住,直至跑完步摵走張貼紙,點知額頭就有個「HAPPY」曬痕。原來活動當日陽光普照,網友額頭被太陽曬到紅卜卜,但貼紙貼咗嘅部分就曬唔到,所以令網友留低曬痕,變成「半永久化妝」!

其他網友都話呢個係真正嘅「快樂都寫在臉上」,同埋認為女網友應該慶幸係正面意思嘅字,如果係其他衰字就 GG 嘞。亦有網友安慰話,曬痕好快會消退,唔需要太擔心。

 

圖:Facebook@爆廢公社

#運動圈  #奇趣圈  #生活圈  #跑步  #防曬

頁面