最新圏生活

【海膽、三文魚不入三甲】日人至愛壽司係...

香港人唔止鍾意去日本,平時同三五知己食好西,日本菜都係熱門選擇,特別係食壽司刺身!三文魚刺身更加係唔少港人嘅至愛,但係日本人嘅口味同香港又係咪一樣呢?最近有日本媒體訪問咗1500名國民,了解一下佢哋最愛嘅壽司之選,結果「中拖羅」吞拿魚中腹成為人氣冠軍,而「赤身」即吞拿魚背緊隨其後,第三名就係墨魚壽司,第四至六名分別係海膽壽司、星鰻壽司同三文魚壽司。

原圖:網絡圖片

【香港勁揪】港隊亞運創8金18銀20銅佳績 代表團凱旋回歸

 

港隊喺今屆印尼雅加達亞運會取得8金18銀20銅共46面獎牌嘅佳績,一班運動員尋晚凱旋回歸!港隊獎牌榜排第13位,總獎牌數超過上屆仁川亞運會嘅43面,創造歷來最佳成績,金牌數量亦追平2010年廣州亞運8金嘅成績!

 

香港一個咁細、資源咁緊絀嘅地方都孕育出咁多出色嘅運動員,背後係好多人嘅心血。學今屆歷史性奪金嘅男子7人欖球隊華人球員姚錦成話齋:「好想話俾香港嘅家長聽,運動員呢條路絕對有出路!」各位追夢者,加油!

【佛系買飛】劉華取消門市售票 網上買飛要等運到

劉德華《My Love Andy Lau劉德華World Tour》香港站跨年演唱會12月舉行,因早前排隊售票鬧出斬人事件, 劉華果斷行動,宣佈門票改為只設網上、流動應用程式及信用卡電話訂購,今早(4/96)10點開售,網站未到9點已經塞到入唔到。根據城市電腦售票網(城網)更新售票情況,下午1點前,系統已將近售完全部6萬張公開發售門票。

今次售票改為網上同電話購票,免卻歌迷日曬雨淋排隊之苦,但城網月前更新系統,系統自動倒數重新登入售票頁面,免卻大家狂按F5之苦,但喺不斷重新登入期間,仍有多次懷疑系統太繁忙導致倒數暫停。對比其他外地售票系統,城網嘅3個鐘賣6萬張飛嘅售票速度算得上「龜速」,究竟香港嘅售票網站幾時先跟得上世界步伐呢?

原圖:My Love Andy Lau 劉德華World Tour

#劉德華 #MyLoveAndyLau #劉德華演唱會 #城市電腦售票網 #Urbtix #佛系買飛 #我墮入城網你卻在網外看 #圈新聞 

【科威特魚檔死魚黐假眼扮新鮮】

啲人成日話條魚新唔新鮮,最緊要睇對眼!科威特就有間魚檔睇中咗依點,就將啲小朋友用黎整勞作嘅假眼黐落啲死魚眼到,想魚目混珠咁話!依啲「屎橋」緊係呃唔到一班有經驗嘅主婦喇,仲被商務部勒令停業!網民睇到緊係話檔主咁做生意好唔老實喇,話啲假眼係用黎整玩具,但都有網民到睇完笑出聲,仲提檔主下次用啲好啲嘅膠水咁就唔會咁易「穿崩」喇!

 

圖:Al Bayan newspaper @ Twitter

訂制傢俬要「雕成龍的頭」 店舖神還原

 

網購訂嘢真係要講得非常清楚。內地有人分享,想訂制一件木家俬,話要「雕成龍的頭」,結果間家俬舖真係整咗阿「成龍」個頭俾佢!

個網友俾咗一張有條龍嘅參考圖,原意係想「雕成 龍的頭」,仲話要紅色,鴻運當頭嘅寓意。當收到師傅「雕 成龍的頭」嘅作品,都唔知好嬲定好笑。

圖: 微博

【神秘人代還就學貸款 真相令人淚崩】

宜家好多大學生一畢業出嚟做嘢都要先還一筆以前讀書借落嘅貸款,但如果有一日,你發現自己筆貸款突然神秘地少咗,你覺得會係邊個咁好人幫自己還?

 

有個女網友前幾日發帖話自己原本要還30萬台幣嘅「就學貸款」,雖然人工唔高,但慳慳地都應該可以應付。但估唔到當佢去到銀行準備還第一期錢果陣,發現竟然有人幫佢還咗2/3!究竟發生咗啲咩事?佢自己明明無還過錢,呢個幫佢還錢嘅神秘人究竟係邊個?於是呢個女網友就去問銀行職員,個職員俾佢睇咗個還款記錄之後,佢喊咗。

 

原嚟係佢媽媽偷偷地幫佢還咗20萬!女網友好嬲,怪佢媽媽辛苦咗成世人,自己有錢都唔識好好享受,仲話返到屋企一定要「好好唸她一頓,但欠她的這筆,還有養育之恩,我這輩子再也沒有機會還了,只能對著她的牌位,唸她。」睇到呢度,網民先知原嚟女網友嘅媽媽一早已經不在人世,但仲不忘喺生前幫佢個女還錢,睇到令人鼻酸!網民紛紛噴淚留言:「誰准你在這裡切洋蔥的QQ」;「父母的付出,總是無怨無悔」;「她永遠活在妳心裡」;「這個洋蔥未免太大顆」;「短短幾秒就飆淚」;「X好煩阿阿阿阿阿眼淚直接流出來」。

 

小編睇完之後都忍唔住眼濕濕,父母無論幾時都將我哋擺喺第一位,所以,趁住雙親尚健在,好好地咁對佢哋喇!

 

圖:網絡圖片

【警察的溫柔】逃犯聚天倫中 警員傳紙條:「公安局的,找你有點事」

警察捉逃犯本來只係一件工作日常,但近日內地安徽省合肥市警方逮捕逃犯嘅過程就「有啲溫馨」。一名55歲倪姓男子喺一間卡啦OK內同人起衝突後逃走,被公安通緝。警員根據消息嚟到一間飯店內準備捉拿逃犯,但見倪男正同家人食晚飯,一家大細氣氛樂也融融,為免嚇親小朋友,警員於是假扮食客分坐隔離枱,然後向倪男傳紙仔:「公安局的,找你有點事」。

倪男睇咗張紙仔後,向太太交待咗一聲就同公安一齊步出飯店,期間不斷向警員道謝:「謝謝你們沒有當著我孩子的面抓我。」

負責行動嘅偵查隊教導員秦鋒話,當時考慮到小朋友年紀仲細,唔想畀小朋友見到爸爸被人捉走:「這個事情我們在裡面沒做什麼,本能感覺應該這麼做,不應該像之前那樣。」

#圈新聞 #警察 #寫紙仔

【客人無錢食飯 老闆好心請客卻得到咁嘅下場……】

 

身上得6個幾,去到餐店可以食得啲乜? 台灣一個餐廳老闆遇到一個自稱身上只係得26台幣(約港幣6蚊)嘅客人,出於好心,請佢食餐飽飯,但結果好心無好報,個客人多謝都無一聲,而且仲整到地方亂糟糟。老闆幫完人竟然得到咁嘅結果,傷心喺網上哭訴。

 

間餐廳喺台灣雲林。老闆話有一日有個人入到舖頭同佢講,「老闆請問我身上剩26元我能吃什麼東西....能填飽肚子的.....」,老闆問佢發生咩事,搞到飯盒都買唔到,個客人就話因為發生咗一啲事。老闆之後請佢入去坐,仲話「我弄給你吃飽。」

 

呢位好心嘅老闆雖然明知個客人俾唔起錢,但佢請客一啲都無馬虎,「弄了一些臭豆腐、豆干、雞腿、雞腿排給他吃飽吃滿。我知道很多人都想問為什麼要給他吃,因為我曾經也沒錢吃飯過,看到他回想起曾經的自己,因為沒錢都沒吃...」不過個客人食完之後,粒聲唔出走咗去,而且仲……「那位客人吃完連聲謝謝都沒說,說走就走,呵呵,這就算了,裡面弄得亂七八糟。我一個人要顧外面,還要整理裡面,已經有夠累了,為什麼幫你解決沒錢吃飯的問題,還要製造問題給我?」

 

講到呢度,老闆都好傷心,「難怪常常有人說別管太多閒事,因為好心沒好報。為什麼每個人都要欺負我,為什麼幫助別人還要被別人指指點點?為什麼?我只是幫助有困難的人而已⋯」

【深圳女14萬買入假流心月餅】 

 

香港製造嘅月餅年年中秋都被內地熱捧,甚至假貨湧現。日前深圳一個女人報案,報稱用咗14萬人仔大手買入779盒美心流心奶黃月餅,點知全部都係假貨。騙徒最終被警方拘捕。

 

報案人王麗指,喺微信見到有個叫「小慧」嘅人話可以代購美心月餅,聲稱有「內部渠道」,所以啲月餅批發價只係要190人民幣(大概$222港元)。之後佢分三次,合共買入779盒月餅。不過收貨後發現啲包裝有異,曾向美心客戶服務部查詢,證實全部都係假貨,於是報警求助。好彩警察之後拉咗個騙徒,並且追返所有錢,佢先至唔使total loss咋。

頁面