最新圏生活

【塑戰速決】英國及愛爾蘭麥當勞9月全面改用紙飲管

全球最大連鎖快餐店麥當勞宣布,英國同愛爾蘭所有分店,9月開始全面停用膠飲管,改為以紙飲管取代!

 

根據資料,英國麥當勞每天用180萬支飲管。為保護環境,麥當勞宣布由於紙飲管試用情況良好,所以英國同愛爾蘭共1361間分店,9月起全面使用環境可分解的紙吸管。

 

根據環保署資料,即棄膠飲管是本港十大漂浮垃圾之一。不過香港麥當勞就表示,暫時未有計劃採用紙飲管,現時全港麥當勞餐廳均使用飲管箱,鼓勵顧客因個人需要而自取。

 

除了英國,麥當勞亦打算在美國、法國和挪威尋找分店作為試點,擴展紙飲管計劃。

【衝擊世界眼球】李寧進軍巴黎時裝周 帶領中國時尚推上顛峰

法國巴黎時裝周係世界時尚界嘅年度大事,雲集世界頂尖時裝品牌發表最新時裝系列。中國最強時裝品牌李寧品牌亦喺巴黎時裝周上發表明年春夏系列,成為時裝周嘅一大焦點。

李寧 2019 SS 系列以「中國李寧」為主題,作品設計用現代視角演繹90年代嘅潮流經典,以中國書法字體配合運動體操元素,復古得嚟又大膽,喺各個細節更加不遺餘力向李寧嘅運動員傳奇致敬。

時裝潮流嘅嘢要用心去感受,唔講咁多,自己睇相啦。

【Boyz開演唱會           邊首歌必唱?】

張敬軒一連6場《HINSIDEOUT張敬軒演唱會》結束,演唱會上請嚟密友「小斌女」關智斌同拍擋張致恆,合唱一曲《死性不改》,真係咩回憶都返唒嚟!軒仔更爆響口話Boyz好快會有音樂會!係咪真架??

 

若果Boyz 開演唱會,有邊首係一定要唱架呢?

【我願意做你嘅化妝師】愛爾蘭伯伯為老婆學化妝

浪漫唔只係一束玫瑰,而係真誠愛護伴侶嘅心。83歲愛爾蘭婆婆Mona Monahan同好多女士一樣貪靚,但因為年紀大視力退化,仲有失明之虞,於是佢嘅丈夫,84歲嘅Des Monahan就去咗學化妝,希望就算妻子之後失明,依然有佢幫佢上粉底,畫眼線,繼續做幸福靚太。

Des話要學化妝並唔係講講下,佢哋自去年10月開始就去預約化妝班,經過8個月嘅學習,Des而家拎起化妝掃已經非常有自信,畫眼線、打陰影對佢嚟講完全無難度,直頭可以自己出嚟教班添啊!佢哋嘅化妝導師仲話,完全睇得出Des對Mona嘅無微不至。

來源:dailymail.co.uk

【濕疹少女自揭瘡疤     盼與患者同行】

//好勇敢!多謝你無私分享!希望有更多人可以意識問題,早日尋求協助。//

濕疹喺香港非常普遍,日前一名患有濕疹少女涉嫌殺父母後自殺,引起社會極大回響。一名有相似病患經歷嘅美少女喺Facebook自揭瘡疤,分享自己皮膚情況最差時嘅相片,希望勉勵其他患者,亦希望大家對濕疹、類固醇上癮有多啲認識。

 

Facebook有一個「類固醇戒斷群組」,病友會互相分享同幫助,同時希望大家多關注呢個問題。分享相片嘅少女Cherrie係群組成員,佢直言近日嘅新聞令佢地都諗起「如果她知道很多戰友在一起走這條件艱鉅、但總有終點的路,會否結局就不一樣呢?」

 

Cherrie話平時會喺圈子內或者同朋友分享經驗,能夠幫到人令佢感到開心,「但如果我選擇用一個更張揚、更能廣為人知的方法的話,那個女孩會不會有機會看見我的分享呢?」不過要公開相片,的確需要好大勇氣,「把自己最差情況的照片公諸於眾,其實是有猶疑的,畢竟真的很難看,怕嚇到人。最差的時候一直躲在家裡,也沒有什麼朋友看過我這個樣子。不過也許就是要夠可怕,才能夠得到關注和迴響。」

 

頁面