【米奇米妮做手語 告白聾啞小朋友】

 

 

點解迪士尼咁多年嚟都深受大人小朋友歡迎?除咗因為迪士尼嘅卡通劇情夠唒搞笑、溫馨,角色又可愛、鬼馬等等之外,最近仲新增咗一個窩心原因。

美國有個聾啞小朋友,有次同家人去迪士尼樂園玩,當佢有小小怕醜咁對住布魯托做手語話:「好高興認識你」嘅時候,隔離嘅米奇米妮都對佢做咗個手語:「我愛你」。個小朋友發現自己嘅偶像居然可以同自己用手語溝通之後,開心激動到即刻過去攬攬米奇米妮!米妮仲溫柔咁錫咗小朋友一啖,場面真係好warm好感動~