【善良的士伯伯免收大肚婆車資仲派錢: 「祝生產順利」】

不時都見到網上有媽媽話大著個肚,想搵架的士都唔容易,若果想搭的士過海,鑼咁大個肚都無情講。韓國有位的士司機,遇上大肚媽媽搭車唔單只無任歡迎,唔收錢唔特只,仲反送返封「利是」,並寫上「祝生產順利」!

 

個司機係已經75歲嘅金永信,佢架車會預備定10個寫有「祝生產順利」,同埋放有1萬韓元嘅信封。佢接受媒體訪問時話,而家啲人都唔願意生BB,所以見到孕媽媽都會好高興:「我希望令搭的士嘅孕婦無咁重負擔,所以不收佢哋錢,而是俾呢個信封佢哋。」

 

雖然都有媽媽堅持要俾車資、同埋唔好意思接受佢嘅利是,但通常見到佢親手寫嘅祝福,都會收下呢份美意。的士伯伯嘅善心網民都超讚,「心地真是太善良!要身體健康呀!」、「應該要頒獎給他」。