【保姆狗狗 貼身照顧小主人】

 

狗狗唔單止係人類嘅好朋友,有時仲要兼職做吓保姆,真係好忙呀!

法國有個family去海灘玩,小主人自己掛住玩水,一個大浪車埋嚟都無有怕。佢就笑到嘻嘻聲勁開心,但隔離一直傍住小主人嘅狗狗就好擔心嘞,見到個浪幾乎淹沒咗小主人,即刻咬住小主人件衫仔,連扯帶拖咁將小主人拉返埋岸,到咗安全嘅地方先鬆口!狗狗好勁啊,分分鐘可以出嚟應徵做保姆添~

圖:網絡圖片