【怪獸出沒】  便利店員按女童指示增值八達通 反被家長指駡「人講咩你就做,我叫你去死咁你唔去死?」

 

香港客人難服待就出名架啦,加埋係香港、家長,就更加無得頂!有位喺便利店兼職嘅網友分享,有個小妹妹想增值八達通$100,店員幫佢增值後,女童家長竟然找晦氣,指店員應該幫個女增值$50就夠,仲話「人講咩你就做,我叫你去死咁你唔去死?」

 

個網友話有一晚返工,一個6、7 歲嘅細路女拎著張$100話想增值,於是佢就問「增值幾多呀?50定100?」細路女諗一諗就話要$100。完成後店員仲俾返張單佢。過咗一分鐘都無,女童嘅阿媽衝入店內質問,雖然店員已經解釋咗係個細路女要求,但個阿媽就話「一個細路佬洗咩咁多錢呀,50就夠啦」。店員當面問小妹妹係咪佢話要增值,個小妹如實告知,仲同個店員姐姐講對唔住,但個阿媽就話「唔洗同呢啲人道歉嫁,你冇錯,係佢錯」。唔單只咁,個阿媽仲話要拎返啲錢、又話要報警、要投訴添。

 

明明帶著小朋友,咁做人阿媽都有,網友都話,「d家長真係教壞人」、「所以好難怪現在為何後生仔不再尊重長輩,因為值得尊重的前輩真的不多」。