【女女出嫁 爸爸祕密拍片惹哭全場】

去參加婚禮最感人嘅位除咗係一對新人交換誓詞,就係睇佢哋多謝父母時喊到收唔到聲嘅時刻。其實除咗新人會感受良多,做父母嘅可能更加係百般滋味在心頭,但又開不了口。

 

一位新娘子結婚當日向父母斟茶,多謝父母多年嚟咁錫佢呢個家中嘅細女,「多謝你們養我這麼大,然後在家裡我最小,你們最疼我。我知道你們很不捨得,我也是。你們要互相照顧,我會常常回來。謝謝你們,我愛你們。」講到呢度,新娘同媽咪都已經係咁抹眼淚,唯獨爸爸只係不時點頭微笑,鼻子紅紅,但睇嚟就無媽咪咁感觸嘞。但點知原來爸爸只係扮無事!

 

呢位暖男爸爸其實一早已經偷偷錄咗一段片俾個女,「今天要出嫁囉,爸爸很不捨,也很歡喜,將來兩個人要同心協力,為將來打拼,祝妳結婚以後可以幸福、美滿、快樂」。呢段影片喺之後製作嘅「朝拍晚播」出現,新娘見到都感動到大喊呢!

 

婚禮上,留意一下就會見到台下總有幾個身影,密密抹眼淚,無限不捨,卻又默默送上無限祝福 ─ 佢哋係新人嘅爸爸媽媽。

 

截圖: Map攝影婚攝影像團隊