【2018韓國小姐出爐 自然美擊敗一眾撞樣美女】

 

2018韓國小姐選美大賽昨日結束,評判搞盡腦汁,喺50位樣貌相似嘅美女中選出23歲大學生金秀敏為冠軍,摘取后冠。

 

韓國整容術出神入化,每年嘅韓國小姐比賽就被喻為係一年一度整容醫生一較高下嘅平台,有網友甚至話「唔寫名認唔出」,亦有人建議「全部打一巴,塊面無變形就係冠軍」。

 

講返比賽,經兩輪公眾投票,32位佳麗擠身決賽。冠軍由大學生金秀敏奪得,佢身高1.73米,樣貌似不經加工,與其他佳麗形成對比,羸到嘅獎金同獎學金合計有1億韓元,折合約 70萬港元。韓國網友對呢位冠軍評價都不錯,「好似無乜整,幾好」,「幾耐無見過無整過嘅人?」