【碧咸夫婦結婚19年 當年禮服令人「難忘」】

碧咸夫婦結婚19週年,喺IG大曬幸福相片,型男索女維持19年婚姻,喺名人界的確難得,粉絲都紛紛恭賀呢對金童玉女。

二人於1999年7月4日結婚,當年24歲嘅碧咸同大一年嘅Victoria奉子承婚, ring bearer正是只得2個月大嘅大仔Brooklyn嘞!

碧咸喺IG提到「19年前呢個時刻,我由頭到腳着唒紫色。呢位好好嘅太太和媽媽,週年快樂。愛你」。睇返當年佢哋2人襯到絕嘅由頭到腳紫色禮服……原來明星都有不堪回首嘅過去嘅,但令人更驚嘆嘅係年月喺二人身人並無摧殘個靚樣,佢哋反而而家比以前更加有味道、更靚更型添!