【單車男女搭港鐵拒拆轆兼爆粗遭票控        網民: 點解d人做錯還可大條道理】

 

港鐵東鐵綫沿綫有不少踩單車熱點,有網民上載咗幾張喺列車上影嘅相,指相中男女推著大大架單車上車,不理職員勸告又講粗口,聲大夾惡,結果遭票控。雖然近日港鐵醜聞纏身,但網民都好公道嘅,齊聲支持職員做法。

 

上載相片嘅網民話,對男女由九龍塘去大圍,但佢哋堅持成架單車上車,職員勸喻又完全當耳邊風,甚至阻礙列車開出,職員問佢哋由邊個站上車,佢哋又爆粗,佢話都唔明「點解d人做錯,還可大條道理」。

 

根據香港鐵路附例,若果架單車摺埋或拆除前轆後唔大過規定尺寸就可以上車,「任何人不得在任何時間將任何單車帶過、傳過、駛過或引領其橫過鐵路處所或其任何部分。乘客如欲攜帶單車乘搭港鐵,必須摺合單車以確保其符合運載行李的規定(即任何行李的長、闊、高總和不超過一百七十厘米,而任何一面的長度不超過一百三十厘米)便可帶進港鐵處所。若然單車的尺寸不符合運載行李的規定,乘客可以在拆除單車前車輪的情況下,達致符合運載行李的規定而進入港鐵處所。」

 

網友都話,「上唔係問題。。。。拆碌同起車頭同尾上呀唔該」、「職員做得好」。另外亦有人覺得,其實佢哋反正都係要踩車,做咩唔喺九龍塘踩入去要搭車,感到奇怪。

 

圖: 馬鞍山之友@Fb