【絕世好工】澳洲有公司推每日工作5小時 員工動力大大提升

終於捱到星期四,你話若果每日只係返半晝,咁幾好呢? 澳洲一間金融公司試行每日5小時工作,工作效率不跌反升,員工工作動力大增,連請病假日數都大大減少!

 

澳洲金融公司Collins SBA董事總經理Jonathan Elliot嘅太太早兩年患癌,為咗有多啲時間照顧老婆仔女,所以佢申請兼職返工,一星期返3日,後來情況好轉就回復一至五返工,但佢發現成效同part time返都無乜分別,於是就研究並試行每日工作5小時制。員工的工作量、人工、職責不變,只要可以喺5小時內完成所有工作就可以在下午2點下班。

 

為咗準時走人,大家都變得更有動力、更勤快,公司方面亦定好規秬,例如取消啲嘥時間嘅會議,縮短開會時間、開會前定好規程、企喺度開會等,同時又減少電郵。員工嘅工作同生活更平衝,佢哋成班同事收早仲可以去附近嘅葡萄園嘆返杯添!

 

好啦,我就真係「葡萄完」嘞,落街買定個包今晚OT食啦….

 

圖片: Collins SBA@fb