【自欺欺人】有機零食唔一定健康

Looop-x-on菇男-母親節banner768x90.jpg

近年興起「有機食物」,令唔少想健康但又成日口痕嘅朋友都趨之若鶩,不惜用貴啲嘅價錢都肯買。但消委會就有調查發現,有機糖果、乾果等零食即使有機認證,但佢嘅營養價值都係屬高糖高脂,亦唔一定健康。如果唔小心控制進食量,一樣會攝入過多糖分和飽和脂肪,都會有健康風險。

消委會抽取市面上30款有機零食,包括朱古力、糖果、薯片、米餅、果仁、栗子及乾果等。發現係有機朱古力同糖果嘅樣本都超出世衛標準,其中每100克朱古力嘅含飽和脂肪達22克以上,而糖果嘅糖分就每100克含56克以上。

消委會都提醒家長,8歲以下嘅兒童,佢地每日所需嘅飽和脂肪和糖更低,家長要注意佢地食零食嘅分量,唔好因為有機,就畀佢地大量進食。

圖片:無線新聞截圖