【等到頸都長】沙田新城市電影大樓暑假開幕 可做舞台劇睇演唱會Live

Looop-x-on菇男-母親節banner768x90.jpg

沙田新城市廣場嘅UA戲院早前公佈6月6日租約期滿。呢個陪伴沙田友成10年嘅戲院終於劃上句號,又令大家少咗一樣集體回憶!

其實自從沙田UA變成迷你戲院之後,大家都好關心呢個講咗成10年嘅戲院重建計劃究竟幾時實現,幾時有新戲院。尋日(14日)管理新城市廣場嘅新地公佈,講咗10年嘅戲院重建計劃即將重見天日,預計今個暑假開幕。呢個新電影大樓叫「MOVIE TOWN」,樓高三層,有7個電影院,提供1,700個座位,將會由MCL經營。新戲院除了有中外電影播放外,仲會用做舞台劇表演同演唱會直播。

大家透過新城市廣場手機App預訂「MOVIE TOWN」電影票,就可免10元訂票手續費,仲會陸續提供早鳥優惠、會員積分等推廣優惠。

圖片:網絡