【行行出狀元】母親節 花店包車壓價被拒 寸司機:你們要讀書嗎?

近日,有網民係FB群組「巴打絲打 Facebook Club」貼文,話自己同行收到一間花店職員問價,希望係母親節當日「包車送貨」,司機話母親節order好爆,開價$120一小時,但花店職員還價$85,仲話「將來會長期用你,有你着數」,司機話做唔到,但花店職員居然寸司機:「你們要讀書嗎?這樣同客講嘢,你自己損失,不要怪誰」。

事後花店職員係另一平台發文「益下你地班連仔司機,筍工,價低者得!」,文中有講返件事,仲話:「如果司機都叫專業人士,保安都算啦,唔係讀唔到書都唔洗做司機啦!」

上載相片嘅網民話,重點不是價錢高低,而是「你們要讀書嗎?」嘅態度。網民都留言話「咩花店,咁無品,影衰同行」、「司機都係一門專業黎,人地都要考牌先渣到!就係最近出現左好多『sunday driver』,更加睇得出sunday driver同專業司機係冇得比~冇得比~不如我調反轉講,開花店都要讀好多書先開到架咩?如果開花鋪果位係讀過好多書既,聽過『敬業與樂業』未?」、「免費好冇」。

圖片:巴打絲打fb