【魚仔報到】余文樂報喜:老婆生咗啦!

恭喜恭喜!樂仔余文樂上年尾同女友王棠云喺澳洲結婚,當時已經傳係雙喜臨門,之前樂仔出席活動時就直認就快做爸爸,喺尋日(10/5)佢喺IG報喜訊,魚仔報到啦,母子平安!樂仔上載咗阿仔嘅手仔相,仲有少少面珠仔入鏡,佢喺IG度扮阿仔自我介紹:「大家好。我的名字叫Cody Yue 」,而自己都抒發咗初為人父嘅心情:「爸爸今天看到你出來的時候真的有種難以形容的開心。」佢仲不忘多謝老婆,仲話媽媽真係好偉大!咁記得要錫老婆多啲啦!

原圖:余文樂instagram