黃子華

Looop-x-on菇男-母親節banner768x90.jpg

【圈短片】【神乎其技!】本地畫家用木顏色畫「子華神」

//黃子華最後一場棟篤笑賣飛賣到斷晒市,勁誇張~買唔到飛嘅朋友,望梅止渴先啦~//

【娛樂圈】子華憤怒了!寧楝篤笑有吉位 籲fans勿買黃牛飛

棟篤笑黃子華收山之作《金盆o浪口》,全城熱搶門票,但真係一票難求,更出現炒貴三倍嘅黃牛飛。搞到子華昨日都要响Facebook開Live作出呼籲。子華神色凝重咁講:「我嘅團隊喊晒口打畀我,以為係啲飛唔賣得,原來係因為一朝早電台呀、記者呀,各方面都搵佢哋,網站啲人賣黃牛話有內部渠道,各位,嗰啲話有飛嘅黃牛,我到今日為止都係冇飛」子華表示,有考慮過報警或報ICAC,可惜未有任何實質證據,佢更向政府提議:「黃牛最大嘅問題,係根據現有法例唔算係exactly犯法,所以先每一個演唱會都出現咁多問題,我正式向政府有關部門提出係時候要正視呢個問題,可能因為睇演唱會好似奢侈品咁,所以咪唔理你,當你炒賣iPhone咁。」

 

而最令網民同FANS感動嘅係,子華叫大家唔好買黃牛飛:「我一路都係接受世界係唔完美,但係咁係太過不完美,太過離譜!我呼籲政府幫吓手,觀眾唔買唔緊要嘅,我做騷見到有一大段最前嘅位空晒佢,咁如果我見到好多場都係咁,即係好多人係冇買黃牛,咁我會補返畀佢哋囉,不過可能要出年。」子華又提醒各位,4月24號將會正式响城市售票網賣飛,總計有廿幾場,每人限買4張,佢話:「原本預咗兩場休息,仲有一場預打風賠畀大家,依家推晒出嚟!應該係有唔少飛。」

訂閱 RSS - 黃子華